- ન્હાતી વખતે બ્રશ કરવાની ટેવ હોય તો ચેતજો
- સ્વાસ્થ્ય પર પડી શકે છે ગંભીર અસર
- ઇંગ્લેન્ડમાં કવેસ્ટ ડેન્ટલના મુખ્ય ચિકિત્સક અને ક્લિનિકલ ડાયરેક્ટર ડો. પાયલ ભલાએ આપી માહિતી
ભાગદોડભરી જિંદગીમાં મોટાભાગના લોકોને પોતાનો સમય બચાવવા માટે ન્હાતી વખતે બ્રશ કરવાની ટેવ હોય છે. પરંતુ સમય બચાવવાની ચક્કરમાં આ ટેવ સ્વાસ્થ્ય માટે ખૂબ જ ખતરનાક સાબિત થઈ રહે છે. સ્વાસ્થ્યની દ્રષ્ટિએ આવું કરવું યોગ્ય માનવામાં આવતું નથી. ઇંગ્લેન્ડમાં કવેસ્ટ ડેન્ટલના મુખ્ય ચિકિત્સક અને ક્લિનિકલ ડાયરેક્ટર ડો. પાયલ ભલાએ આ મામલે સમજાવ્યું છે કે સવારમાં શાવર નીચે ઉભી ન્હાતી વેળાએ બ્રસ કરવાથી કઈ સમસ્યાનો સામનો કરવાની નોબત આવે છે.
શાવરના હેડમાં બેક્ટેરિયા જામેલા હોય છે
ન્હાતી વખતે બ્રશ કરવાથી ઓરલ હેલ્થ પર ધ્યાન રહેતું નથી કારણ કે શાવરમાં બ્રશ કરતી વેળાએ પ્રથમ સમસ્યાએ જન્મે છે કે આ પાણીનું તાપમાન સિંકમાં વપરાતા પાણી કરતા વધુ ગરમ હોઈ શકે છે જે નુકસાનકારક નીવડી શકે છે. નિષ્ણાતોનું માન્યે તો આ પાણી તથા બ્રશને નરમ કરી નાખે છે. પરિણામે દાંત સાફ કરવામાં તે અસરકારક નિવડતું નથી. સૌથી મોટી સમસ્યાએ જન્મે છે કે શાવરના હેડમાં બેક્ટેરિયા જામેલા હોય છે. જે દાંત સાફ કરતી વેળાએ મોમાં જવાની શક્યતાઓ રહેલી છે. જેને કારણે બીમાર થવાનું જોખમ ઊભું થાય છે અથવા તો તમારી રોગપ્રતિકારકશક્તિ ઘટી જવાની પણ સંજોગો જોવા મળી રહે છે.
શાવરમાં બ્રશ કરતી વેળાએ પાણીનો પણ વધુ બગાડ
બીજી તરફ ટુથપેસ્ટ અને પાણીનું મિશ્રણ શાવરના ફોર્સને લપસતો બનાવી શકે છે આથી તમારી પડી જવાની અને ઈજા થવાની સંભાવનાઓ પણ વધી જતી હોય છે. સાથે સાથે શાવરમાં બ્રશ કરતી વેળાએ પાણીનો પણ વધુ બગાડ થાય છે કારણ કે તમે જરૂર કરતાં વધુ પાણીનો ઉપયોગ કરી નાખો છો! આ તમામ સમસ્યાને ધ્યાને લઈને શાવરમાં ન્હાતી વેળાએ બ્રશ ન કરવા અંગે નિષ્ણાંતો સલાહ આપે છે.
