ઝંડા ઊંચા રહે હમારા / તમારા ઘરે તિરંગો આપી જશે ટપાલી, આ રીતે ઓનલાઈન જ કરાવો બુક: 'હર ઘર તિરંગા' માટે સરકારની ખાસ સુવિધા

• તમારા ઘરે તિરંગો આપી જશે ટપાલી
• 'હર ઘર તિરંગા' માટે સરકારની ખાસ સુવિધા
• જાણો કઈ રીતે કરાવશો ઓનલાઈન બુકિંગ 

સરકાર 13થી 15 ઓગસ્ટની વચ્ચે હર ઘર તિરંગા અભિયાન ચલાવી રહી છે. તેના હેઠળ ઈ-પોસ્ટઓફિસ સુવિધાના માધ્યામથી પણ રાષ્ટ્રીય ધ્વજ ખરીદી શકાશે. તેના માટે ઓનલાઈન બુકિંગ કરી શકાશે. તેમાં ડિલિવરી માટે કોઈ ચાર્જ આપવાનો નહીં રહે.

ઓનલાઈન ઓર્ડર કરી શકાશે રાષ્ટ્રીય ધ્વજ 
ઓનલાઈન ઓર્ડર કરવા માટે તમારે પોસ્ટ ઓફિસની વેબસાઈટ પર જવાનું રહેશે. epostoffice.gov.in પર જઈને હર ઘર તિરંગા અભિયાન પર ક્લિક કરવાનું રહેશે. ત્યાર બાદ તમારે જેટલા રાષ્ટ્ર ધ્વજ ખરીદવા હોય તેટલા સિલેક્ટ કરવાના રહેશે. વધારેમાં વધારે તમે 5 રાષ્ટ્ર ધ્વજ જ ખરીદી શકો છો. 

ત્યાર બાદ તમારે 'Buy Now' પર ક્લિક કરવાનું રહેશે. ત્યાર બાદ તમારો મોબાઈલ નંબર નાખો. મોબાઈલ પર એક ઓટીપી આવશે જેની મદદથી તમે લોગ ઈન કરી શકો છો. પેમેન્ટ તમારે ઓનલાઈન જ કરવાનું રહેશે. તમને રાષ્ટ્ર ધ્વજ ઘરે આપી જશે.