- ઇઝરાયલ-પેલેસ્ટાઇનસંઘર્ષમાં મોટાપાયે લોકોનાં મોત
- હમાસનાં એક્શન બાદ ઇઝરાયલે યુદ્ધની ઘોષણા કરી
- આતંકીઓ ઇઝરાયલનાં નાગરિકો પર ગોળીબારી કરી રહ્યાં છે
હમાસ દ્વારા હજારો રૉકેટ ચલાવ્યાં બાદ ઇઝરાયલએ યુદ્ધની ઘોષણા કરી દીધી. મહિનાઓથી ચાલી રહેલા ઇઝરાયલ-પેલેસ્ટાઇન સંઘર્ષમાં મોટાપાયે લોકોનાં મોત થયાં છે. આતંકીઓ મોટરસાઈકલ, SUV અને પેરાગ્લાઈડર પર સવાર થઈને દક્ષિણી શહેરોમાં પહોંચ્યાં. આ આતંકીઓ રસ્તા પર ચાલી રહેલા નાગરિકો પર ગોળીબાર કરી રહ્યાં છે. સોશિયલ મીડિયા પર આ ઘટનાનાં અનેક વીડિયો સામે આવ્યાં છે.
ખુલેઆમ નાગરિકો પર ગોળીબારી
સ્ડેરૉટનાં નિવાસીએ હુમલાનો એક વીડિયો રેકોર્ડ કર્યો જેમાં આતંકવાદીઓ ખુલેઆમ નાગરિકો પર ગોળીઓ ચલાવી રહ્યાં છે. વ્યક્તિએ આ વીડિયો પોતાના ઘરની છત પરથી રેકોર્ડ કર્યો હતો. આ વીડિયોને આતંરરાષ્ટ્રીય માનવાધીકારનાં વકીલે શેર કર્યો છે.
રસ્તા પર જવાનોનાં શવને ઘસેડ્યા
કેટલાક વીડિયોમાં એવું પણ દેખાઈ રહ્યું છે જેમાં આતંકીઓ જશ્ન મનાવતાં ઇઝરાયેલી સેનાનાં જવાનોનાં શવને જમીન પર ઘસડી રહ્યાં છે. ગાજામાં રૉકેટો ચલાવ્યાં બાદ જેરુશલમમાં સાયરનનો અવાજ સતત સંભળાઈ રહ્યો છે.
મહિલાઓને નગ્ન કરીને ઘસડી રહ્યાં છે
ક્રૂર આતંકીઓ ઇઝરાયેલી મહિલાનાં શવને નગ્ન કરીને જશ્ન મનાવતાં દેખાયા. કેટલાક આતંકીઓ તો આ મહિલાનાં શવ પર થૂકી રહ્યાં હતાં. (કેટલાક દ્રશ્યો અતિસંવેદનશીલ હોવાને લીધે અમે વીડિયો ટાંકી શકવામાં અસમર્થ છીએ. )
શવને પગથી કચડ્યાં
આતંકીઓ રસ્તા પર ચાલી રહેલા નાગરિકો પર ગોળીબારી કરી રહ્યાં છે. એટલું જ નહીં શવને પગથી કચડી રહ્યાં છે લાત મારી રહ્યાં છે. આ નિર્દયતાવાળા દ્રશ્યો જોઈને કોઈનું પણ હદય કંપી ઊઠે પણ આતંકીઓ થોભવાનું નામ નથી લઈ રહ્યાં.પેલેસ્ટિનિયન આતંકઓ હવે બોમ્બ આશ્રયસ્થાનોમાં ઇઝરાયેલી નાગરિકોની હત્યા કરી રહ્યા છે.તેઓ નિર્દોષ ઇઝરાયેલીઓની ખુલ્લેઆમ હત્યા કરી રહ્યા છે.
હિંસા ભડકી
હમાસનાં ઉગ્રવાદી નેતા મોહમ્મદ દીફે પોતાના ભાષણમાં કહ્યું કે,' અમે બધું જ નષ્ટ કરવાનો નિર્ણય કર્યો છે.' તેમણે જણાવ્યું કે,' હમાસ અલ-અક્શા ફ્લડની ઘોષણા કરી ચૂક્યું છે. આ હિંસાથી પહેલા હમાસે કહ્યું હતું કે લોકોએ હવે આ બધું સમાપ્ત કરવા માટે રેખાઓ ખેંચવી પડશે કારણકે ઇઝરાયલે ફિલીસ્તીન અને અલ અક્શાની પવિત્ર જમીન પર અપરાધ કરવાનું ચાલુ રાખ્યું છે.' તેમના આ નિવેદન બાદ હિંસા વધુ ભડકી ઊઠી છે.
