સુવિધા / મોટા શહેરોથી વતનની વાટે ગુજરાતીઓ: ST બસ સ્ટેશનો પર ભયંકર ભીડ, તંત્ર દ્વારા મૂકાઈ છે એકસ્ટ્રા બસો

• અમદાવાદ ST બસ ડેપો પર મુસાફરોની ભીડ
• સુરતમાં ST બસ ડેપો પર લોકોની ભીડ
• દાહોદ, ગોધરા, પંચમહાલ, છોટાઉદેપુર જવા મુસાફરોની ભીડ

 ગીતા મંદિર બસ સ્ટેન્ડ ઉપર મુસાફરોની ભીડ
અમદાવાદ એસટી બસ ડેપો પર મુસાફરોની ભારે ભીડ જોવા મળી હતી. દિવાળી વેકેશનની શરૂઆત થતા લોકો વતન જઈ રહ્યા છે. ગીતા મંદિર બસ સ્ટેન્ડ ઉપર મુસાફરોની ભીડ જોવા મળી રહી છે. લોકોમાં પોતાનાં વતન તરફ જવાનો ઉત્સાહ છે. 

ST તંત્ર દ્વારા એક્સ્ટ્રા બસો મુકવામાં આવી
સુરત એસટી બસ ડેપો પર લોકોની ભીડ જામી હતી. દાહોદ, ગોધરા, પંચમહાલ, છોટાઉદેપુર જવા મુસાફરોની ભીડ જામી હતી. એસટી તંત્ર દ્વારા એક્સ્ટ્રા બસો મુકવામાં આવી છે. બસમાં જગ્યા માટે લોકો જીવ જોખમમાં મુકી રહ્યા છે. 

ST બસમાં બુકિંગ માટે ટિકિટ કાઉન્ટર પર લાંબી કતારો 
દિવાળીનાં તહેવારોને લઈ વડોદરા એસટી ડેપો પર મુસાફરોની ભારે ભીડ જોવા મળી હતી. વડોદરા ડીવીઝન દ્વારા વધારાની 85 બસો આજથી દોડાવાશે. અત્યાર સુધી 50 બસો કાર્યરત હતી. એસટી બસમાં બુકીંગ માટે કાઉન્ટર પર લાંબી કતારો જોવા મળી હતી. દાહોદ, છોટાઉદેપુર, ગોધરા રૂટ માટે વધુ બસો મુકવામાં આવી હતી. વડોદરાથી ઝાલોદ, કાઠીયાવાડ, અમદાવાદનાં રૂટ પર વધારાની બસો દોડાવવામાં આવશે.