એલર્ટ / આગામી 4, 5 અને 6 તારીખે વરસાદની આગાહી: ગુજરાતનાં આ જિલ્લાઓમાં લોકોએ ભરઉનાળે છત્રી કાઢવી પડશે!

• રાજ્યમાં કમોસમી વરસાદની આગાહી
• 4,5 અને 6 માર્ચે થઇ શકે વરસાદ
• સૌરાષ્ટ્ર,દક્ષિણ અને મધ્ય ગુજરાતમાં આગાહી
• આગામી 3 દિવસ ગરમીમાં થઇ શકે વધારો 

ગુજરાતમાં વાતાવરણને લઈને વધુ એક આગાહી સામે આવી છે. રાજ્યમાં તારીખ 4,5 અને 6 માર્ચે કમોસમી વરસાદ પડી શકે છે. દક્ષિણ ગુજરાત, મધ્ય ગુજરાત સહિત સૌરાષ્ટ્રમાં મંદ વરસાદ પડવાની આગાહી કરવામાં આવી છે. 

રાજ્યનાં આ જિલ્લાઓમાં પડી શકે છે વરસાદ
સૌરાષ્ટ્ર,દક્ષિણ ગુજરાત અને મધ્ય ગુજરાતમાં મંદ વરસાદ આવી શકે છે. એટલું જ નહીં, વડોદરા, ડાંગ, છોટાઉદેપુર, મહીસાગર, નર્મદા અને નવસારીમાં પણ વરસાદની આગાહી કરવામાં આવી છે. કચ્છ,ભાવનગર,પોરબંદર,જૂનાગઢ અને અમરેલીમાં પણ વરસાદની સંભાવના છે. 

તાપમાનમાં થઇ શકે છે વધારો
તાપમાનમાં 3થી 5 ડિગ્રીનો વધારો પણ રાજ્યભરમાં થઈ શકે છે. આ તાપમાનમાં વધારાની સાથે આગામી 3 દિવસમાં ગરમી અને બફારો પણ વધી શતે છે. અમદાવાદ અને ગાંધીનગરમાં ગરમીનો પ્રકોપ જોવા મળશે. ગીર સોમનાથમાં હિટવેવની આગાહી કરવામાં આવી છે.