- રાજ્યમાં આજે 142 તાલુકામાં નોંધાયો વરસાદ
- સૌથી વધુ વરસાદ ભાવનગરમાં 4.2 ઇંચ વરસાદ નોંધાયો
- ધરમપુર,કાલાવડ,ભાણવડ,કામરેજ,જોડીયા,મહુવામાં 1 ઇંચ વરસાદ
રાજ્યમાં આજે 142 તાલુકામાં વરસાદ નોંધાયો છે. ત્યારે સૌથી વધુ વરસાદ ભાવનગરમાં 4.2 ઈંચ વરસાદ નોંધાયો છે. જ્યારે રાજકોટનાં કોટડા સાંગાણીમાં 3.8 ઈંચ, લાલપુરમાં 3.4 ઈંચ, બાબરમાં 3.4 ઈંચ, ખંભાળીયામાં 3.3 ઈંચ, ગાંધીધામ,લોધીકા,સિંહોરમાં 3 ઇંચ, કલ્યાણપુર,ગઢ઼ડા,સુરત શહેર,પાટણ-વેરાવળમાં 2.9 ઇંચ, વ્યારા,નાંદોદ,ઉમરાળામાં 2.7 ઇંચ, રાજકોટ,ભરુચ,અંકલેશ્વર,સુત્રાપાડામાં 2 ઇંચ, તીલકવાડા,અંજાર,જામનગર,જેસર,સોનગઢમાં 1.9 ઇંચ, વાલોદ,જસદણ,ઝઘડીયા,ઘોઘા,1.8 ઇંચ, લાઠી,ગોંડલ,ડોલવણ,વાગરા,તલાલામાં 1.2 ઇંચ, ધરમપુર,કાલાવડ,ભાણવડ,કામરેજ,જોડીયા,મહુવામાં 1 ઇંચ વરસાદ પડ્યો હતો.
આજે પોરબંદર અને દ્વારકા જિલ્લામાં અતિભારે વરસાદની આગાહી
ગુજરાતમાં વરસાદના ત્રીજા રાઉન્ડે ધબધબાટી બોલાવી છે. સૌરાષ્ટ્ર સહિતના અનેક વિસ્તારમાં અતિભારે વરસાદે તારાજી સર્જી છે. લોકો વરસાદના તાંડવથી તોબા પોકારી ઉઠ્યા છે, તેમ છતાં વરસાદનું જોર ઘટવાની શક્યતા નથી. આજે પણ રાજ્યમાં ભારે વરસાદની આગાહી છે. ગુજરાતના કેટલાક સ્થળોએ ભારેથી અતિભારે વરસાદની આગાહી કરવામાં આવી છે. આજે પોરબંદર અને દ્વારકા જિલ્લામાં અતિભારે વરસાદની આગાહી કરવામાં આવી છે.
સૌરાષ્ટ્ર તથા દક્ષિણ ગુજરાતમાં રહેશે વરસાદનું જોર
હવામાન વિભાગ દ્વારા આજે પણ રાજ્યમાં ભારેથી અતિભારે અને અત્યંત ભારે વરસાદ થવાની સંભવાના વ્યક્ત કરવામાં આવી છે. સૌરાષ્ટ્ર તથા દક્ષિણ ગુજરાતમાં વરસાદનું જોર રહેવાની શક્યતાઓ છે. હવામાન વિભાગે રાજ્યમાં આજના દિવસ ઓરેન્જ અને યલો એલર્ટ આપ્યું છે.
ગુજરાતના 5 જિલ્લાઓમાં ઓરેન્જ એલર્ટ
આજે (23 જુલાઈ) સુરેન્દ્રનગર, અમદાવાદ, આણંદ, ભરૂચ, સુરતમાં ઓરેન્જ એલર્ટ જાહેર કરવામાં આવ્યું છે. જ્યારે કચ્છ, પાટણ, મોરબી, નવસારી, વલસાડ, પોરબંદર, જૂનાગઢ, ગીર સોમનાથમાં યલો એલર્ટ જારી કરાયું છે.
