ચિંતા / ગુજરાતમાં સતત ત્રીજા દિવસે 500થી વધુ કેસ, અમદાવાદમાં મોતનો આંકડો ચિંતાજનક

• ગુજરાતમાં કોરોના વાયરસ બન્યો આફત
• સતત બીજા દિવસે કોરોના વાયરસના 500થી વધુ કેસ 
• છેલ્લા 24 કલાકમાં 29 લોકોના સારવાર દરમિયાન થયાં મોત

આરોગ્ય વિભાગે સત્તાવાર રીતે જાહેર કરેલ પ્રેસનોટ પ્રમાણે ગુજરાતમાં છેલ્લા 24 કલાકમાં કોરોનાના કુલ 511 નવા કેસ નોઁધાયા છે. આ સાથે જ રાજ્યમાં કોરોનાના કુલ દર્દીઓની સંખ્યા 23,590 થઇ છે. 

અમદાવાદમાં કોરોનાના નવા 334 કેસ નોંધાયા

અમદાવાદમાં સૌથી વધુ 334 કેસ નોંધાયા છે તો સુરતમાં છેલ્લા 24 કલાકમાં 76 નવા કેસ કોરોના વાયરસના નોંધાયા છે. આ સાથે જ છેલ્લા 24 કલાકમાં  442 દર્દીઓ કોરોના વાયરસના ભરડામાંથી મુક્ત થતાં તેમની સારવાર બાદ દવાખાનામાંથી રજા આપવામાં આવી છે. આમ, અત્યાર સુધીમાં સમગ્ર રાજ્યમાં કુલ 16,333 દર્દીઓ કોરોનાને મ્હાત આપી ચૂક્યા છે. 

વિવિધ જિલ્લામાં છેલ્લા 24 કલાકમાં નોંધાયેલા કેસની વિગત

24 કલાકમાં રાજ્યમાં મૃત્યુ પામેલ દર્દીઓની વિગત

રાજ્યમાં છેલ્લા 24 કલાકમાં કોરોના વાયરસની સારવાર દરમિયાન અવસાન પામેલા લોકોની વિગત પણ આ પ્રેસનોટમાં આપવામાં આવી હતી. જે પ્રમાણે ગત 24 કલાકમાં 29 દર્દીઓના મોત થયાં છે, આમ અત્યાર સુધીમાં રાજ્યમાં કુલ 1478 લોકોના કોરોના બીમારીને કારણે મોત થયાં છે. આ સાથે જ હાલ 66 લોકો વેન્ટિલેટર પર છે તો 5779 લોકો સ્ટેબલ છે. 

સતત પાંચમી વખત નોંધાયા 500થી વધારે કેસ 

આપને જણાવી દઇએ કે, રાજ્યમાં અનલૉક-1 જાહેર થયાંને હજી 13 દિવસ થયાં છે ત્યા અત્યાર સુધીમાં સતત ચોથી વખત કોરોનાના નવા કેસ 500થી વધારે નોંધાયા છે. સૌ પ્રથમ વખત 5 તારીખે 510 કેસ નોંધાયા હતા. તો 10 જૂનના રોજ ફરી 510 કેસ નોંધાયા હતા. ત્યારબાદ બીજા દિવસે 11 તારીખે 513 અને આજે એટલે કે 13 જૂનના રોજ 517 કેસ નવા નોંધાયા હતા તો આજે ફરીવાર 511 નવા કેસ નોંધાયા છે.