Saturday, August 17, 2019
સબસ્ક્રાઈબ કરો VTVGujarati ન્યુઝ Whatsapp

અમદાવાદ / કોંગ્રેસના મહામંત્રી સહિત બે દિગ્ગજ નેતાઓ વચ્ચે રાધનપુર બેઠકની પેટાચૂંટણી અંગેની ચર્ચામાં છુટ્ટાહાથની મારામારી

કોંગ્રેસના મહામંત્રી સહિત બે દિગ્ગજ નેતાઓ વચ્ચે રાધનપુર બેઠકની પેટાચૂંટણી અંગેની ચર્ચામાં છુટ્ટાહાથની મારામારી

શહેરના રાજીવ ગાંધી ભવન ખાતે આજે 150 ગાંધીજીની જન્મજયંતી અને રાજીવ ગાંધીની 75મી જયંતીને લઈ કોંગ્રેસની એક બેઠક મળી હતી. આ બેઠકમાં રાધનપુર બેઠકની પેટાચૂંટણી લડવા બાબતે 2 નેતાઓ વચ્ચે ઉગ્ર બોલચાલ થયા બાદ મામલો વધુ બિચક્યો હતો. જો કે, ત્યારબાદ બંન્ને નેતાઓ વચ્ચે છુટા હાથની મારામારી પણ થઇ હતી. 

આ ઘટના અંગે મળતી વધુ વિગતો પ્રમાણ, અમદાવાદ ખાતે આવેલા કોંગ્રેસના સત્તાવાર કાર્યાલય ખાતે એક બેઠકનું આયોજન કરવામાં આવ્યું હતું. આ બેઠકમાં દરમિયાન રાધનપુર બેઠકની પેટાચૂંટણી અંગે ચર્ચા ચાલી રહી હતી ત્યારે કોંગ્રેસના મહામંત્રી રઘુ દેસાઈ અને સેવાદળના રાષ્ટ્રીય પ્રમુખ લાલજી દેસાઈ વચ્ચે શાબ્દિક બોલાચાલી થઈ હતી. 

ઉલ્લેખનીય છે કે, આ બોલાચાલી બાદ મામલો વધુ ગરમાતા બંન્ને નેતાઓ બાખડી પડ્યા હતા. રઘુ દેસાઇ અને લાલજી દેસાઈ રાધનપુર બેઠકની પેટાચૂંટણી લડવા માંગતા હોવાથી મામલો બિચક્યો હતો. ઉલ્લેખનીય છે કે અગાઉ ચાણસ્મા બેઠક માટે આ બંને ઉમેદવારો આમને સામને હતા. 

દિવાળી પહેલા યોજાઈ શકે છે 7 વિધાનસભા બેઠકોની પેટાચૂંટણી

ગુજરાતમાં વિધાનસભાની ખાલી પડેલી 7 બેઠકોની પેટાચૂંટણી દિવાળી પહેલા યોજાઈ એવી શક્યતાઓ છે, ત્યારે આ પેટા ચૂંટણીની સાથે અલ્પેશ ઠાકોર અને ધવલસિંહ ઝાલાના રાજીનામા બાદ રાધનપુર અને બાયડ વિધાનસભાની પેટાચૂંટણી પણ યોજાશે. 

જોવા જેવું વધુ જુઓ

બ્રેકિંગ ન્યૂઝ