કાર્યવાહિ / ગુજરાત ACBએ બોલાવ્યો સપાટો, એક દિવસમાં બે અલગ અલગ ઠેકાણે લાંચિયા અધિકારીઓને દબોચ્યાં

• મહિસાગર તેમજ મહેસાણામાં ACBની સફળ ટ્રેપ
• સંતરામપુરમાં પ્રાંત કચેરીમાં ઓપરેટર સામે કાર્યવાહી હાથ ધરાઈ
• મહેસાણામાં લાંચ લેતા CGSTના સુપ્રિટેન્ડેન્ટને ACBએ ઝડપાયા
• રૂ.4 હજારની લાંચ લેતા અધિકારી ઝડપાયો

મહિસાગર જીલ્લાનાં સંતરામપુરમાં પ્રાંત કચેરીમાં લાંચિયા કર્મીને ACB એ ઝડપી પાડ્યો છે. પ્રાંત કચેરીમાં ઓપરેટર સામે કાર્યવાહિ હાથ ધરાઈ છે. ખેડૂતો પાસે ખરાઈનાં દાખલા માટે લાંચ માંગી હતી. ઓપરેટર દ્વારા રૂ.70 હજારની લાંચ માંગતા ખેડૂત દ્વારા આ અંગે એસીબીનો સંપર્ક કરતા એસીબીએ ઓપરેટરને લાંચ લેતો ઝડપી પાડ્યો હતો.

CGSTના સુપ્રિટેન્ડેન્ટને ACBએ લાંચ લેતા ઝડપાયા
મહેસાણા ખાતે ફરજ બજાવતા CGST ના સુપ્રિટેન્ડેન્ટને એસીબીએ લાંચ લેતા રંગે હાથ ઝડપી પાડ્યો છે. ત્યારે અધિકારી દ્વારા દુકાન માટે જીએસટી નંબર ચાલુ કરવા માટે માંગ કરી હતી. ત્યારે આજે મહેસાણામાં માલગોડાઉન વિસ્તારનાં સરદાર કોમ્પ્લેક્ષમાં અધિકારીએ ફરિયાદીને લાંચની રકમ આપવા માટે બોલાવ્યો હતો. ફરિયાદી લાંચની રકમ રૂા.4000 લઈને અધિકારીને આપતો રંગેહાથ ઝડપી પાડ્યો હતો. ફરિયાદી પાસેથી અગાઉ પણ અધિકારી દ્વારા રૂપિયા પાંચ હજારની લાંચ લીધી હતી. આ બાબતે ફરિયાદીએ એસીબીનો સંપર્ક કરતા મહેસાણા એસીબી અધિકારીને લાંચની રકમ સ્વીકારતા રંગેહાથ ઝડપી પાડ્યો હતો.