Share Market / સપ્તાહના છેલ્લા દિવસે શેરબજારની શાનદાર શરૂઆત, સેન્સેક્સ 63 હજારને પાર તો નિફ્ટીમાં પણ તેજી

• શેરબજારે ફરી એકવાર સારી શરૂઆત આપી
• ગુરુવારે 300 પોઈન્ટના ઘટાડા સાથે થયું હતું બંધ 
• એકવાર બજાર લીલા નિશાન પર શરૂ થયું

સપ્તાહના અંતિમ દિવસે શેરબજારે ફરી એકવાર સારી શરૂઆત આપી છે. ગુરુવારે 300 પોઈન્ટના ઘટાડા બાદ ફરી એકવાર બજાર લીલા નિશાન પર શરૂ થયું છે. આજે બજાર ખુલતાની સાથે જ સેન્સેક્સ અને નિફ્ટી બંને મુખ્ય સૂચકાંકોએ તેજી નોંધાવી હતી. 

ખૂલતાની સાથે જ સેન્સેક્સ 178.52 પોઇન્ટના વધારા સાથે 63,096.15 પર ટ્રેડ કરી રહ્યો છે. તે જ સમયે, નિફ્ટી પણ 52.45 પોઇન્ટના વધારા સાથે 18,740.55 પર ટ્રેડ કરી રહ્યો છે.

સેન્સેક્સની વાત કરીએ તો હાલમાં 30માંથી 7 શેરો ખોટ સાથે ટ્રેડ થઈ રહ્યા છે. ઇન્ડસઇન્ડ બેન્ક, એલએન્ડટી, વિપ્રો, એનટીપીસી, ભારતી, પાવરગ્રીડ અને ટીસીએસ ઘટતા શેરોમાં સામેલ છે. બીજી તરફ વધતા શેરોમાં ICICI બેન્ક, રિલાયન્સ, HCL, નેસ્લે, ટાટા મોટર્સ, ટાટા સ્ટીલ, ટાઇટન, HDFC બેન્ક, એક્સિસ બેન્કનો સમાવેશ થાય છે. આ સિવાય મહિન્દ્રા, કોટક, ઈન્ફોસિસના શેરમાં તેજી જોવા મળી રહી છે. 

Sensex rises by 178.52 pts to 63,096.15; Nifty gains 52.45 pts to 18,740.55 in opening trade

— Press Trust of India (@PTI_News) June 16, 2023

BSE ના 30 શેરો વાળા પ્રમુખ ઈન્ડેક્સ સેન્સેક્સ 310.88 પોઈન્ટ અથવા 0.49% ના ઘટાડા સાથે 62,917.63 ના સ્તર પર બંધ થયા છે. એક સમયે તે ટ્રેડિંગ દરમિયાન ઘટીને 357.43 પોઈન્ટ પર પહોંચી ગયો હતો. નેશનલ સ્ટોક એક્સચેન્જનો નિફ્ટી પણ 67.80 પોઈન્ટ એટલે કે 0.36 ટકાના ઘટાડા સાથે 18,688.10 પર બંધ થયો હતો.