સુરક્ષા / સાયબર અપરાધ નાથવા સરકારે બનાવી રણનીતિ, જયપુરમાં અમિત શાહની હાજરીમાં થઈ ચર્ચા

• જયપુરમાં નોર્ધન ઝોનલ કાઉન્સિલની 30 મી બેઠક
• અમિત શાહની બેઠકમાં 47 મુદ્દાઓ ચર્ચાયા
• ચાર મુખ્ય મુદ્દાઓ પર સરકાર હવે કરશે કામ 
• ગ્રામીણ વિસ્તારોમાં બેન્કિંગ સેવાઓ સુધારાશે
• મહિલાઓ અને બાળકો સામેના રેપના કેસનું મોનિટરિંગ

શનિવારે જયપુરમાં આયોજિત ઉત્તરીય ઝોનલ કાઉન્સિલની 30મી બેઠકમાં સાયબર ક્રાઈમના વધતા જોખમો અને તેના નિવારણ માટેની વ્યૂહરચના અંગે ચર્ચા કરવામાં આવી હતી. બેઠકમાં નિર્ણય લેવામાં આવ્યો હતો કે કેન્દ્ર સરકારના સંબંધિત મંત્રાલયો અને રાજ્ય સરકારો સાથે ભારત સરકારના ગૃહ સચિવની અધ્યક્ષતામાં એક સમિતિ સાયબર ક્રાઈમના વધતા જતા જોખમને પહોંચી વળવા માટે વ્યૂહરચના તૈયાર કરશે.બેઠકમાં, કેન્દ્રીય ગૃહ પ્રધાન અમિત શાહે રાજ્યો અને કેન્દ્રશાસિત પ્રદેશો પર વિવિધ માધ્યમો દ્વારા સાયબર સાવચેતી સંબંધિત જાગૃતિ અભિયાન ચલાવવા પર ભાર મૂક્યો હતો. તેમણે રાષ્ટ્રીય સુરક્ષા, જાહેર વ્યવસ્થા અને આર્થિક પ્રવૃત્તિઓ પર સાયબર ગુનાઓની ઊંડી અસરને ધ્યાનમાં રાખીને સાયબર સ્પેસ અને નાગરિકોની સુરક્ષા સુનિશ્ચિત કરવા પર ભાર મૂક્યો હતો. 

Of the 47 issues discussed in the meeting chaired by Union Home Minister Amit Shah in Jaipur today, 35 have been resolved & 4 have been identified as important topics at the national level. These are being regularly discussed & monitored in the meetings of various Zonal Councils.

— ANI (@ANI) July 9, 2022

 સાયબર ગુનાઓ શોધવા આઈટી સાધનોનો ઉપયોગ વધારો-શાહની રાજ્યોને સૂચના 
અમિત શાહે કહ્યું કે સાયબર ગુનાઓ શોધવા માટે આઈટી (ઈન્ફોર્મેશન ટેકનોલોજી) સાધનોનો મહત્તમ ઉપયોગ થવો જોઈએ. શાહે કેન્દ્રીય ગૃહ મંત્રાલય દ્વારા વિકસિત સામાન્ય સોફ્ટવેરનો ઉપયોગ કરીને ચિંતાના મુદ્દાઓને ઓળખવા માટે કેન્દ્ર અને રાજ્ય સરકારોની એજન્સીઓને સાથે મળીને કામ કરવાની સલાહ આપી હતી. તેમણે ગુનેગારોને શોધીને તેમની સામે કડક કાર્યવાહી કરવાની જરૂરિયાત પર પણ ભાર મૂક્યો હતો.

These four issues include - improving banking services in rural areas, monitoring cases of rape & sexual offenses against women and children, setting up fast-track courts for such cases & implementing Direct Benefit Transfer (DBT).

— ANI (@ANI) July 9, 2022

બેઠકમાં કુલ 47 મુદ્દાઓની ચર્ચા કરવામાં આવી
જયપુરમાં નોર્ધન ઝોનલ કાઉન્સિલની 30મી બેઠકમાં રાજસ્થાન, હરિયાણા, હિમાચલ પ્રદેશ, પંજાબ, દિલ્હી, ચંદીગઢ, જમ્મુ-કાશ્મીર અને લદ્દાખ જેવા રાજ્યો સામેલ થયા હતા. બેઠકમાં કુલ 47 મુદ્દાઓની ચર્ચા કરવામાં આવી હતી જેમાં ચાર રાષ્ટ્રીય સ્તરના મુદ્દાઓ પર ખાસ ભાર મૂકાયો છે. સરકાર હવે આ ચાર મુદ્દાઓ પર કામ કરવા માગે છે. 

(1) ગ્રામીણ વિસ્તારોમાં બેન્કિંગ સેવાઓ સુધારવી
(2) મહિલાઓ અને બાળકો સામેના રેપના કેસનું મોનિટરિંગ
(3) રેપ કેસોને ફાસ્ટ ટ્રેક કોર્ટમાં ચલાવવા
(4) ડીબીટી યોજનાનો અમલ 

બેઠકમાં બીજા ઘણા મુદ્દે ચર્ચા 
આ બેઠકમાં રાજ્યની આંતરિક સુરક્ષા, બોર્ડર સિક્યોરિટી, સાયબર ક્રાઇમ, સામૂહિક ટાસ્ક ફોર્સની રચના, ડ્રગ્સનો ગેરકાયદે વેપાર અને ઇઆરસીપી અંગે રાજ્ય-કેન્દ્ર સરકાર વચ્ચેના મતભેદોને કારણે પાણીના મુદ્દે ચર્ચા થઇ હતી.