- પૂર્વ અગ્નિવીરો માટે સારી ખબર
- મોદી સરકારે આપશે 10% અનામત
- શારીરિક દક્ષતા પરીક્ષામાં પણ મળશે કેટલીક છૂટ
ભારતીય સેનામાં અગ્નિપથ યોજના અંતર્ગત ગયાં વર્ષથી અગ્નિવીરોની ભરતી શરૂ થઈ ગઈ હતી. સીમા સુરક્ષા બળ BSE, કેન્દ્રીય ઔદ્યોગિક સુરક્ષા બળ CISF, સશસ્ત્ર સીમા બળ SSB અને ભારત-તિબેટ સીમા પોલીસ ITBP માટે પૂર્વ અગ્નિવીરોનાં અર્ધલશ્કરી બળોમાં શામેલ કરવાનાં નિયમોમાં સંશોધન માટે નોટિફિકેશન સરકારે જાહેર કરી છે. સરકારે બુધવારે સંસદને જણાવ્યું તે કેન્દ્રીય રિઝર્વ પોલીસ બળ CRPF અને અસમ રાઈફલ્સનાં મામલામાં નોટિફિકેશનની તૈયારીનાં લાસ્ટ સ્ટેજમાં છે. જેમાં અનામત જેવા કેટલાક પગલાંઓની સરકારની તૈયારી છે.
સંસદમાં નોટિફિકેશનની કરી જાહેરાત
ગૃહ રાજ્યમંત્રી નિત્યાનંદ રાયે સંસદને જણાવ્યું કે સરકારે કેન્દ્રીય સશસ્ત્ર પોલીસ બળો અને અસમ રાઈફલ્સમાં કોન્સ્ટેબલ અને રાયફલમેનનાં રૂપમાં તેમની ભરતી માટે પૂર્વ અગ્નિવીરોની એક નવી શ્રેણી બનાવવાને મંજૂરી આપી છે. પૂર્વ અગ્નિવીરોની શારીરિક ક્ષમતા પરીક્ષામાં છૂટ આપવામાં આવશે. એટલું જ નહીં 10% અનામત ફાળવવાની જોગવાઈ પણ કરવામાં આવી છે.
10% અનામત મળશે
સરકારે પ્રત્યેક અર્ધલશ્કર બળનાં પૂર્વ અગ્નિવીરો માટે 10% આરક્ષણની ઘોષણા કરી અને તેમના 4 વર્ષનાં અનિવાર્ય કાર્યકાળને પૂર્ણ કર્યાં બાદ તેમના લેટરલ એન્ટ્રીનાં નિયમોમાં સુધાર કર્યો. તો સરકારે અગ્નિવીરોનાં પહેલા બેચનાં ઉમેદવારો માટે ઉપલી વય મર્યાદામાં પાંચ વર્ષોનો ઘટાડો કર્યો હતો જ્યારે અનુગામી બેચને 3 વર્ષ સુધીની છૂટ મળશે.
સેનાની ત્રણેય સેવાઓમાં સૈનિકોની અલ્પકાલિન ભરતી માટે અગ્નિપથ યોજના અંતર્ગત ગતવર્ષે અગ્નિવીરોની ભરતીનો પહેલો ચરણ શરૂ થઈ ગયો હતો. આ યોજનાએ સેનાની ભરતી પ્રણાલીથી એક અલગ સ્થાન બનાવ્યું છે. જૂન 2022માં ચાર વર્ષો માટે સૈનિકોની ભરતી માટે 25% નિયમિત સેવામાં જાળવી રાખવાની જોગવાઈ સાથે જાહેર કરાવામાં આવી હતી.
