- સ્મોલ સેવિંગ સ્કીમ હેઠળ 9 યોજનાઓ ચલાવવામાં આવી રહી છે
- સ્મોલ સેવિંગ સ્કીમના નિયમોમાં ફેરફાર
- યોજનામાં રોકાણ કર્યું હોય તો જાણી લો આ ફેરફાર
કેન્દ્ર સરકાર સ્મોલ સેવિંગ સ્કીમ હેઠળ અનેક સ્કીમ્સ ચલાવી રહી છે. તમામ વર્ગના લોકોને આ યોજનાઓનો લાભ આપવા માટે આ યોજના શરૂ કરવામાં આવી છે. નાણાંકીય મંત્રાલયના ઈકોનોમિક અફેયર્સ ડિપાર્ટમેન્ટ તરફથી સ્મોલ સેવિંગ સ્કીમ હેઠળ રોકાણના નિયમ અને વ્યાજદર નક્કી કરવામાં આવે છે. હાલના સમયમાં સ્મોલ સેવિંગ સ્કીમ હેઠળ 9 યોજનાઓ ચલાવવામાં આવી રહી છે. જેમાં રિકરિંગ ડિપોઝિટ, PPF, સુકન્યા સમૃદ્ધિ યોજના, મહિલા સમ્માન સેવિંગ સ્કીમ સર્ટીફિકેટ, કિસાન વિકાસ પાત્ર, નેશનલ સેવિંગ સર્ટીફિકેટ અને સિનિયર સિટીઝન સેવિંગ સ્કીમ શામેલ છે.
સરકારે પબ્લિક પ્રોવિડંટ ફંડ, સિનિયર સિટીઝન સેવિંગ સ્કીમ તથા અન્ય સ્મોલ સેવિંગ સ્કીમ નિયમોમાં ફેરફાર કરવામાં આવ્યા છે. જો તમે પણ આ યોજનામાં રોકાણ કર્યું છે, તો આ નિયમો વિશે જાણકારી હોવી જોઈએ.
સિનિયર સિટીઝન સેવિંગ સ્કીમ
આ સ્કીમમાં એકાઉન્ટ ખોલાવવાની અવધિ વધારી દેવામાં આવે છે. 9 નવેમ્બરે જાહેર થયેલ સર્ક્યુલર અનુસાર નિવૃત્ત થયાના 3 મહિનામાં આ યોજના હેઠળ એકાઉન્ટ ખોલાવી શકો છો અને નિવૃત્તિ પર મળતા લાભ પણ મેળવી શકો છો. પહેલા માત્ર 1 મહિનાનો સમય આપવામાં આવતો હતો. નોટિફિકેશન અનુસાર સિનિયર સિટીઝન સેવિંગ સ્કીમ હેઠળ મળતો વ્યાજ દર મેચ્યોરિટી ડેટના આધારે નક્કી કરવામાં આવશે.
PPFના નિયમમાં ફેરફાર
PPF સ્કીમ હેઠળ તમે મેચ્યોરિટી પહેલા એકાઉન્ટ બંધ કરાવવા માંગો છો, તો તે નિયમમાં પણ ફેરફાર કરવામાં આવ્યો છે. નોટિફિકેશન અનુસાર પબ્લિક પ્રોવિડંટ ફંડ સ્કીમ 2023 હેઠળ મોડિફિકેશન કરવામાં આવ્યા છે.
પોસ્ટ ઓફિસ સેવિંગ એકાઉન્ટ
પાંચ વર્ષની યોજનામાં રોકાણ કર્યું હોય અને 4 વર્ષમાં વિડ્રોઅલ કરવામાં આવે તો વ્યાજની રકમ પોસ્ટ ઓફિસ સેવિંગ એકાઉન્ટમાં ટ્રાન્સફર કરવામાં આવશે. પાંચ વર્ષની ટાઈમ ડિપોઝિટમાં રોકાણ કર્યું હોય અને 4 વર્ષમાં એકાઉન્ટ ક્લોઝ કરવામાં આવે તો વ્યાજની ગણતરી ત્રણ વર્ષના ટાઈમ ડિપોઝિટ એકાઉન્ટના આધારે કરવામાં આવશે.
