નિકાસ પર પ્રતિબંધ / સરકારે ચોખાની નિકાસ કરવા પર લગાવી દીધી રોક: પાંચ દેશો પર થશે સીધી અસર, જાણો કેમ લેવો પડ્યો આવો નિર્ણય

• સરકારે ચોખાના નિકાસ પર લીધો મહત્વનો નિર્ણય 
• નોન-બાસમતિ સફેદ ચોખાના નિકાસ પર પ્રતિબંધ 
• જાણો કેમ લેવો પડ્યો આવો નિર્ણય

ભારત સરકારે ચોખાના નિકાસને લઈને મોટો નિર્ણય કર્યો છે. સરકારે બાસમતી ચોખા સિવાય બધા પ્રકારના કાચા ચોખાના નિકાસ પર બેન લગાવી દીધો છે. આ નિર્ણય આગામી તહેવાર સીઝન વખતે ઘરેલુ ડિમાન્ડમાં વધારો અને રિટેલ કિંમતો પર નિયંત્રણને ધ્યાનમાં રાખીને લેવામાં આવ્યો છે. 

ખાદ્ય મંત્રાલયની તરફથી જાહેર નિવેદનમાં કહેવામાં આવ્યું છે કે બાસમતી ચોખા અને બધા પ્રકારના ઉસના ચોખાના નિકાસ નીતિમાં કોઈ ફેરફાર નથી કરવામાં આવ્યો. એટલે કે ફક્ત નોન-બાસમતી ચોખાની નિકાસ પર પ્રતિબંધ લગાવવામાં આવ્યો છે. જોકે ભારતથી મોટાપાયે બાસમતી ચોખાની નિકાસ કરવામાં આવે છે. 

ચોખાના ભાવમાં સતત વધારો 
સરકારે નોન-બાસમતી સફેદ ચોખાની નિકાસ પર બેન લગાવીને ઘરેલુ બજારમાં વધતી કિંમતો પર નિયંત્રણ લાવવાનો નિર્ણય કર્યો છે. પાછલા થોડા દિવસોમાં ચોખાની કિંમતોમાં ખૂબ વધારો જોવા મળી રહ્યો છે. આ મહિને ચોખાના ભાવમાં 10થી 20 ટકા સુધીનો ઉછાળ જોવા મળ્યો છે. 

જોકે અમુક શરતોની સાથે ચોખાની નિકાસની પરવાનગી આપવામાં આવશે. જો નોટિફિકેશન પહેલા જહાજોમાં ચોખાની લોડિંગ શરૂ થઈ ગઈ હોય તો તેને નિકાસની પરવાનગી હશે. આ ઉપરાંત સરકારે બીજા દેશોને તેની પરવાનગી આપી હોય તેવા કેસોમાં પણ નિકાસની પરવાનગી આપવામાં આવશે. 

સરકારે આ દેશોના ફૂડ સિક્યોરિટીની જરૂરીયાતોને જોતા આ પ્રકારની પરવાનગી આપી છે. દેશમાં છેલ્લા થોડા સમયથી ભોજન ખાવાની વસ્તુઓની કિંમતમાં ખૂબ તેજી આવી છે. ઘઉં, ચોખા, દૂધ અને શાકભાજીની કિંમત ઝડપથી વધી રહી છે.