હવામાન અપડેટ / આગામી 24 કલાકમાં સારા વરસાદની આગાહી: અમદાવાદથી લઈને સુરત સુધી જુઓ કયા જિલ્લામાં મેઘરાજા થશે મહેરબાન

• રાજ્યમાં વરસાદને લઇ હવામાન વિભાગની આગાહી
• રાજ્યમાં 24 કલાકમાં સારો વરસાદ થવાની આગાહી 
• ખેડા, પંચમહાલ ભારે વરસાદની આગાહી 
• અમરેલી, ગીર સોમનાથ, બોટાદમાં રહેશે વરસાદ

Gujarat Weather Update : ગુજરાતમાં ફરી એકવાર વરસાદને લઈ આગાહી સામે આવી છે. વાત જાણે એમ છે કે, હવામાન વિભાગના વૈજ્ઞાનિક અભિમન્યુ ચૌહાણે રાજ્યમાં 24 કલાકમાં સારો વરસાદ થવાની આગાહી કરી છે. આ સાથે અમદાવાદમાં 24 કલાકમાં સામાન્ય વરસાદની શક્યતા પણ વ્યક્ત કરી છે. આ તરફ છેલ્લા 24 કલાકમાં રાજ્યના 54 તાલુકામાં વરસાદ નોંધાયો છે. 

હવામાન વિભાગની આગાહી
રાજ્યમાં વરસાદને લઇ હવામાન વિભાગની આગાહી સામે આવી છે. હવામાન વિભાગના વૈજ્ઞાનિક અભિમન્યુ ચૌહાણે વરસાદને લઈ આગાહી કરી છે. આગામી 24 કલાકમાં સારો વરસાદ થવાની આગાહી છે. જેમાં ખાસ કરીને ખેડા, પંચમહાલ ભારે વરસાદની આગાહી છે. આ સાથે અમરેલી, ગીર સોમનાથ, બોટાદમાં પણ વરસાદ વરસી શકે છે. 

હવામાનની આગાહી મુજબ છોટા ઉદેપુર, સુરત, તાપી, ડાંગમાં વરસાદની સંભાવના છે. આ તરફ અમદાવાદમાં 24 કલાક માં સામાન્ય વરસાદની શક્યતા હવામાન વિભાગે વ્યક્ત કરી છે. હવામાનની આગાહી મુજબ 24 કલાક બાદ વરસાદનું જોર ઘટશે. નોંધનીય છે કે, અત્યા સુધીમાં 98 ટકા વરસાદ થયો છે. જોકે ગઇકાલે પણ રાજ્યના અનેક વિસ્તારોમાં વરસાદ પડ્યો હતો. 

24 કલાકમાં રાજ્યના 54 તાલુકામાં વરસાદ
આ તરફ છેલ્લા 24 કલાકમાં રાજ્યના 54 તાલુકામાં વરસાદ નોંધાયો છે. નવસારીના ખેરગામમાં 2.1 ઇંચ, ધરમપુરમાં 1.5 ઇંચ, અંકલેશ્વરમાં 1.4 ઇંચ, વલસાડમાં 1.3 ઇંચ, ઓલપાડમાં 1.2 ઇંચ વરસાદ, સુરત શહેર, બારડોલી, મહુવામાં 1 ઇંચ વરસાદ નોંધાયો છે.