સુવિધા / ઉનાળુ વેકેશન માણવા જનારા સૌરાષ્ટ્રવાસીઓ માટે ગુડ ન્યુઝ: હવે રાજકોટથી મુંબઈ જવા મળશે રોજની 4 ફ્લાઇટ

• સૌરાષ્ટ્રવાસીઓ માટે સારા સમાચાર
• મુંબઈ જવા રોજની 4 ફ્લાઇટ શરૂ
• ગોવાની ફ્લાઇટ સપ્તાહમાં 3 દિવસ ઉડાન ભરશે

ઉનાળાના વેકેશનમાં ફરવા જતા સૌરાષ્ટ્રવાસીઓ માટે સારા સમાચાર સામે આવ્યા છે. સૌરાષ્ટ્રવાસીઓને રાજકોટથી મુંબઈ જવા દરરોજની 4 ફ્લાઇટ મળશે. સવારની 2 નવી ફ્લાઇટ શરૂ કરાતા ફ્રેક્વન્સીમાં વધારો થયો છે. આ ઉપરાંત રાજકોટ એરપોર્ટ પરથી વેકેશનમાં ગોવાની ફ્લાઇટ સપ્તાહમાં 3 દિવસ ઉડાન ભરશે. ગોવાની ફ્લાઇટ મંગળવાર, ગુરુવાર અને શનિવારે ઉપડશે. 

ઇન્ડિગો અને એર ઈન્ડિયાએ શરૂ કરી છે ફ્લાઇટ
તાજેતરમાં જ એર ઈન્ડિયા દ્વારા રાજકોટથી મુંબઈ માટે ફ્લાઇટ શરૂ કરવામાં આવી છે. તો આ પહેલા ઈન્ડિગોએ રાજકોટથી મુંબઈ જવા માટે ફ્લાઇટ શરૂ કરી હતી. હવાઈ મુસાફરીની સંખ્યામાં વધારો થતાં આ નિર્ણય લેવામાં આવ્યો છે. 

પેસેન્જર્સની સંખ્યામાં વધારો થતાં લેવાયો હતો નિર્ણય 
રાજકોટ એરપોર્ટ પર ડોમેસ્ટિક અને ઇન્ટરનેશનલ પેસેન્જર્સની સંખ્યામાં સતત વધારો થઈ રહ્યો છે. જેના કારણે ફ્લાઇટની સંખ્યા પણ સતત વધારવામાં આવી રહી છે. એપ્રિલ મહિનામાં  ઇન્ડિગો અને એર ઈન્ડિયા દ્વારા રાજકોટથી મુંબઈની ફ્લાઇટ શરૂ કરવામાં આવી છે. 

20 એપ્રિલથી શરૂ કરી છે ફ્લાઇટ
મે મહિનામાં મુસાફરોની સંખ્યામાં વધુ ઉછાળો આવે તેવી શક્યતાના પગલે એર ઈન્ડિયાએ 20 એપ્રિલથી ફ્લાઇટ શરૂ કરી છે.  હવે બે ફ્લાઈટ સવારે અને બે ફ્લાઈટ સાંજે એમ કુલ ચાર ફ્લાઈટ ઉપલબ્ધ થતા યાત્રિકોને રાહત થઇ છે. સવારે ફ્લાઈટ શરૂ કરવામાં આવતા સૌરાષ્ટ્રના વેપારીઓ, ઉદ્યોગકારો સવારે ફ્લાઈટમાં મુંબઈ જઈને પોતાનું કામ પતાવીને સાંજની ફ્લાઈટમાં રાજકોટ પરત આવી શકશે. રાજકોટથી ગોવાની ફ્લાઈટ સપ્તાહમાં માત્ર ત્રણ દિવસ મંગળવાર, ગુરુવાર અને શનિવારે ઉડાન ભરશે.