કિંમત / સોનાની ખરીદી કરનાર માટે રાહતના સમાચાર, ભાવમાં આવ્યો અત્યાર સુધીનો મોટો ઘટાડો

• રૂપિયામાં મજબૂતી અને ગ્લોબલ માર્કેટમાં વેચવાલીથી સોનાના ભાવમાં સૌથી મોટો ઘટાડો
• દિલ્હી બુલિયન માર્કેટમાં 10 ગ્રામ સોનાના ભાવ 954 રૂપિયા ઘટી ગયા
• સોનાની કિંમત 44,503 રૂપિયાથી ઘટીને 43,549 રૂપિયા પ્રતિ 10 ગ્રામ થઇ

સોમવારે સોનાનો ભાવ અત્યાર સુધીના સૌથી ઉચ્ચ સ્તરે 44,503 રૂપિયા પ્રતિ 10 ગ્રામ પર પહોંચી ગયો હતો.

સોનાના નવા ભાગ (Gold Rate) 

મંગળવારે દિલ્હીના બુલિયન બજારમાં સોનાની કિંમત 44,503 રૂપિયાથી ઘટીને 43,549 રૂપિયા પ્રતિ 10 ગ્રામ થઇ ગઇ. આ દરમિયાન કિંમતોમાં 954 રૂપિયાનો ઘટાડો નોંધવામાં આવ્યો છે. આ વર્ષે કોઇ એક કારોબારી દિવસે સોનાના ભાવમાં આવેલો આ સૌથી મોટો ઘટાડો છે. જ્યારે દિલ્હીમાં 99.9 અને 99.5 શુદ્ધતા વાળુ સોનું 770 રૂપિયાના ઘટાડા સાથે 44,030 રૂપિયા પ્રતિ 10 ગ્રામ અને 43,880 રૂપિયા પ્રતિ 10 ગ્રામ પર કારોબાર કરી રહ્યું છે. 

ચાંદીની નવી કિંમત (Silver Rate) 

દિલ્હી બુલિયન માર્કેટમાં ચાંદીની કિંમત 50,070 રૂપિયાથી ઘટીને 49,990 રૂપિયા પ્રતિ કિલોગ્રામ થઇ ગઇ. આતંરરાષ્ટ્રીય બજારમાં સોનાનો ભાવ 1648 ડોલર પ્રતિ ઔંસ અને ચાંદીની કિંમત 18.40 ડોલર પ્રતિ ઔંસ રહી. 

કેમ આવ્યો ઘટાડો?

એચડીએફસી સિક્યોરિટીઝના સીનિયર એનાલિસ્ટ તપન પટેલે કહ્યું કે ગ્લોબલ માર્કેટમાં કિંમતોમાં ઘટાડો અને રૂપિયામાં મજબૂતીથી ઘરેલૂ બજારમાં સોનાના ભાવમાં ઘટાડો આવ્યો છે. મંગળવારે અમેરિકી ડોલરની તુલનામાં રૂપિયો 16 પૈસાની મજબૂતી સાથે કારોબાર કરી રહ્યો છે. શરૂઆતી કારોબારમાં એક ડોલરની તુલનામાં રૂપિયો 18 પૈસા મજબૂત થઇને 71.80ના સ્તરે પહોંચી ગયો. 

તેઓએ કહ્યું કે કોરોના વાયરસ (Coronavirus) ના દુનિયાભરમાં ફેલાવાની ચિંતાથી સોનાના ભાવ વધારે નહીં ઘટે. 

સોનાની જ્વેલરી વેચવાનો યોગ્ય સમય?

કેડિયા કમોડિટીના મેનેજિંગ ડાયરેક્ટર અજય કેડિયા અનુસાર, જો કોઇનું ઇનવેસ્ટમેન્ટ છે તો તેને નફાવસૂલી કરી લેવી જોઇએ અને સોનાની તુલનામાં ચાંદીમાં તેજીથી પૈસા બનાવવાની તક મળી શકે છે. કેમકે ગોલ્ડ-સિલ્વર રેશિયો વધ્યો છે. સરળ શબ્દોમાં કહીએ તો, સોના-ચાંદીની કિંમતનો રેશિયો વર્ષ 2010માં નીચલા સ્તરે ગયા બાદ સતત વધ્યો છે. હાલ આ રેશિયો 86 થી વધુ છે. અજય કેડિયાએ જણાવ્યું કે જ્યારે સોના-ચાંદીના રેશિયોમાં વધારો થાય છે તો તેનાથી કોઇ ભાવી સંકટ વિશે જાણકારી મળે છે