બિઝનેસ / સોના ભાવમાં ચમક: રાષ્ટ્રીય, આંતરાષ્ટ્રીય તેમજ વાયદા બજારમાં ગોલ્ડન પિરિયડ, જાણો લેટેસ્ટ રેટ

• સતત ઘટાડા બાદ સોનાનાં ભાવમાં આજે તેજી
• 150 રૂપિયા મોંઘુ થયું સોનું
• ચાંદીનાં ભાવમાં આજે પણ ઘટાડો

સોના અને ચાંદીની કિંમતમાં સોમવારે ઊતાર-ચઢાવ જોવા મળ્યો હતો. 24 કેરેટનાં 10 ગ્રામની કિંમત 150 રૂપિયા વધીને 60050 રૂપિયા થઈ ગઈ છે. જ્યારે 22 કેરેટ સોનાની કિંમત 55050 રૂપિયા પ્રતિ 10 ગ્રામ થઈ. જો કે ચાંદીનાં ભાવમાં આજે પણ ઘટાડો જોવા મળ્યો હતો. ચાંદીની કિંમતમાં 200 રૂપિયાનો ઘટાડો થયો જે સાથે તેનો આજનો ભાવ 74500 રૂપિયા પ્રતિ કિલો થયો.

આંતરરાષ્ટ્રીય બજારમાં સોના-ચાંદીનો ભાવ
આંતરરાષ્ટ્રીય બજારમાં સોના-ચાંદીનાં ભાવમાં તેજી જોવા મળી છે. સોનાની કિંમત 0.18% વધીને 1949.70 ડોલર પ્રતિ ઔંસ જ્યારે ચાંદીની કિંમત 0.15% વધીને 23.42 ડોલર પ્રતિ ઔંસ પર પહોંચી ગઈ છે. બુધવારે અમેરિકાનાં કેન્દ્રીય બેંક ફેડની બેઠક થવાની છે.  તેમાં વ્યાજદરોને લઈને નિર્ણય લેવાઈ શકે છે જેની સોના-ચાંદીની કિંમતો પર પણ અસર થઈ શકે છે.

ગુજરાત, દિલ્હી, મુંબઈ, ચેન્નઈમાં સોનાનાં ભાવ
ગુજરાત: 24 કેરેટ સોનું 60,110 રૂ, 22 કેરેટ 55100 રૂપિયા પ્રતિ 10 ગ્રામ 
દિલ્હી: 24 કેરેટ 60,210 રૂ., 22 કેરેટ  55,200 રૂપિયા પ્રતિ 10 ગ્રામ
મુંબઈ: 24 કેરેટ 60,050 રૂ. , 22 કેરેટ રૂ 55,050 પ્રતિ 10 ગ્રામ
ચેન્નાઈ: 24 કેરેટ 60,440 રૂ. ,  22 કેરેટ રૂ 55,400 પ્રતિ 10 ગ્રામ