ચોંકાવનારો કિસ્સો / મને સોનું આપો, હું તમને કેશ આપીશ', માનતાના બહાને ગઢડા ગોપીનાથજી મંદિર સાથે છેતરપિંડી, 200 ગ્રામ સોનું લઇ ગઠિયો રફુચક્કર

• બોટાદના ગઢડા ગોપીનાથજી મંદિરમાં સોનાના નામે છેતરપિંડી 
• 200 ગ્રામ સોનાની લગડીની ઠગાઈ થયાની મંદિર તંત્રએ નોંધાવી ફરિયાદ
• પોલીસે આરોપીને ઝડપી પાડી મંદિરને સોનું પરત અપાવ્યું

ગઢડા ગોપીનાથજી મંદિરમાં ભક્ત દ્વારા સોનાની છેંતરપીંડી મામલે ચેરમેને આપી પ્રતિક્રિયા આપી હતી કે, માનતા કરવાના નામે એક ભક્ત દ્વારા 200 ગ્રામ સોનું લઈ રફુચક્કર થઈ ગયો હતો.  મંદિરના મહેતાજી પોલીસમાં આપી હતી. અરજી આખરે ગઢડા પોલીસે ભક્તને શોધી પાડી સોનુ જપ્ત કર્યું છે. 

પોલીસે શખ્શને ઝડપી પાડ્યો
બોટાદ જિલ્લાના ગઢડા શહેરમાં આવેલ ગોપીનાથજી મંદિર સતત વિવાદોમાં જોવા મળતું હોય છે ત્યારે થોડા દિવસો પહેલા મંદિર માં એક હરિ ભક્ત આવેલ અને પોતાને માનતા હોય એટલે 200 ગ્રામ સોનુ લીધેલ અને પૈસા આપું તેમ કહી રફુચક્કર થઈ ગયેલ. જે અંગે મંદિરના મહેતાજી ગઢડા પોલીસમાં અરજી કરેલ. જે અંગે પોલીસ દ્વારા તપાસ કરતા આખરે હરિભક્તને ઝડપી પાડ્યો હતો.  પોલીસે શૈલેષ ઉઘાડ નામના શખ્સની ધરપકડ કરી પૂછપરછ કરતા પોતે સોનુ લઈ ગયો હોવાનું કબૂલાત શૈલેષ દ્વારા કરવામા આવેલ હતી. ત્યારે પોલીસ દ્વારા મંદિરને સોનુ પણ પરત અપાવેલ છે.

અમુક લોકો મંદિરને બદનામ કરવાની પ્રવૃતિ કરે છે
આ સમગ્ર મામલે મંદિર ના ચેરમેન હરિજીવન સ્વામી દ્વારા જણાવેલ કે 10 ઓક્ટોબરના રોજ હરિ ભક્ત સોનુ લઈને જતો રહ્યો હતો.  ત્યારે કેટલાક લોકો ગઢડા ગોપીનાથજી મંદિરને બદનામ કરવાના હેતુથી પદભ્રષ્ટ આચાર્ય ગ્રુપના ટેકેદારો દ્વારા મંદિરને બદનામ કરવાની પ્રવૃતિ કરે છે.  જે મંદિરમાં રહેશે અને અનાજ ખાઈ ને મંદિરને બદનામ કરે છે.  તેને ભગવાન સદબુદ્ધિ આપે તેમ કહીને આચાર્ય ગ્રુપને ટકોર કરી છે.