- સફેદ રણનો આકાશી નજારો હવે જોઇ શકાશે
- સફેદ રણ માટે જોય રાઇડનો થશે પ્રારંભ
- CM ભૂપેન્દ્ર પટેલ જોય રાઇડનો કરાવશે પ્રારંભ
રાજ્ય સરકાર દ્વારા પ્રવાસનને વેગ આપવા માટે સુવિધાઓમાં વધારો કરવામાં આવી રહ્યો છે. ત્યારે હવે કચ્છમાં યોજાઈ રહેલા રણોત્સવનો આકાશી નજારો માણી શકાય તે માટે સરકાર દ્વારા વધુ એક મહત્વનો નિર્ણય કરવામાં આવ્યો છે. ત્યારે કચ્છમાં રાજ્ય સરકાર દ્વારા નવું હેલિપેડ બનાવવામાં આવ્યું છે.
પ્રવાસીઓ રણોત્સવનો આકાશ નજારો માણી શકશે
રણોઉત્સવમાં આવતા પ્રવાસીઓ રણોત્સવનો આકાશી નજારો માણી શકે તે માટે પ્રવાસન વિભાગ દ્વારા તા. 27 ડિસેમ્બરથી હેલિકોપ્ટર સર્વિસની શરૂઆત કરવામાં આવનાર છે. જેનું બુકિંગ આજથી શરૂ કરી દેવામાં આવ્યું છે. ત્યારે આ જોય રાઈડ દ્વારા માત્ર 8 મિનિટમાં જ હેલિકોપ્ટરથી પ્રવાસીઓ રણોત્સવની મજા માણી શકશે. આ માટે ખાસ હેલિપેડ પણ બનાવવામાં આવ્યું છે. આ રાઈડને ધોરડો જોય રાઈડ નામ પણ આપવામાં આવ્યું છે. ત્યારે આ રાઈડમાં વ્યક્તિ દીઢ 5900 નો ચાર્જ નક્કી કરાયો છે. તેમજ બુકિંગ માટે એરોટ્રાન્સની વેબસાઈટ પણ શરૂ કરવામાં આવી છે.
.png)
ટેન્ટ સીટીમાં મોટાભાગે વિદેશી પ્રવાસીઓનાં આવતા હોઈ આ સુવિધા શરૂ કરાઈ
અમદાવાદ રિવરફ્રન્ટ ખાતે આકાશી નજારો જોવા માટે હેલિપેડ બનાવવામાં આવ્યું છે. તે જ રીતે કચ્છનાં ધોડરોનાં સફેદ રણમાં પણ હેલિપેડ બનાવવામાં આવ્યું છે. ત્યારે ઓનલાઈન બુકીંગ કર્યા બાદ કચ્છનાં ધોરડોનાં હેલિપેડ તરફ જવું પડશે. જ્યાં હેલિકોપ્ટર મારફતે 8 મિનિટમાં આકાશમાંથી સમગ્ર કચ્છનો નજારો માણી શકાશે. ત્યારે પ્રવાસન વિભાગ દ્વારા કચ્છનાં ટેન્ટ સીટીમાં મોટાભાગે વિદેશી પ્રવાસીઓ આવતા હોઈ તેઓનાં ઘસારાને ધ્યાને લઈ એરોટ્રાન્સ દ્વારા આ નવીન પ્રકારની સેવા શરૂ કરવામાં આવી છે.
