જ્યોતિષ શાસ્ત્ર / કોઇ પણ રત્ન ધારણ કરતા પહેલાં આટલાં નિયમો જાણવા આવશ્યક, નહીંતર પડશો ઉલમાંથી ચૂલમાં

• જ્યોતિષ શાસ્ત્રમાં રત્નોનુ વધારે મહત્વ
• જાણો, રત્નોને ધારણ કરવા માટે કયા નિયમોનુ પાલન કરવુ?
• રત્નોને ધારણ કરવાથી ગ્રહોનો નકારાત્મક પ્રભાવ થાય છે દૂર

રત્નને ધારણ કરતા ગ્રહોના નકારાત્મક પ્રભાવ થાય છે દૂર 

વૈદિક જ્યોતિષ શાસ્ત્રમાં રત્નોનુ વિશેષ મહત્વ હોય છે. જ્યારે કોઈ જાતકની કુંડળીમાં કોઈ ગ્રહ શુભ ફળ આપતો નથી અથવા પછી કોઈ ગ્રહ જાતકના જીવનમાં નકારાત્મક પ્રભાવ નાખે છે તો ગ્રહોની શાંતિ માટે અમુક ઉપાય જણાવવામાં આવે છે. આ ઉપાયોમાં રત્નોને ધારણ કરવા અંગે જણાવવામાં આવે છે. રત્નોને ધારણ કરવાથી ગ્રહોના નકારાત્મક પ્રભાવને દૂર કરી શકાય છે. રત્ન જ્યોતિષ શાસ્ત્ર મુજબ રત્ન ગ્રહોનુ પ્રતિનિધિત્વ કરે છે, જેના પ્રભાવથી જાતકોને સમસ્યાઓમાંથી છૂટકારો મળે છે. આવો જાણીએ રત્ન પહેરતા પહેલા કયા-કયા નિયમોનું ધ્યાન રાખવુ આવશ્યક હોય છે. 

1. કોઈ પણ વ્યક્તિએ કોઈ પણ જ્યોતિષાચાર્યની સલાહ બાદ જ રત્નને ધારણ કરવો જોઈએ. રત્ન ધારણ કરતા પહેલા વ્યક્તિએ પોતાની કુંડળીને અવશ્ય બતાવવી જોઈએ. પછી જ્યોતિષાચાર્યની સલાહ પર રત્ન પહેરવો જોઈએ. 
2. અમુક લોકો વારંવાર એકથી વધુ રત્ન ધારણ કરે છે. પરંતુ જ્યારે પણ એકથી વધુ રત્ન પહેરો તો રત્નોની મૈત્રી અને શત્રુતાનુ ધ્યાન જરૂર રાખવુ જોઈએ. જેમકે ઘણા જાતકો મોતીની સાથે નીલમ પણ ધારણ કરે છે. જ્યોતિષ શાસ્ત્રમાં મોતીને ચંદ્રમાનો રત્ન માનવામાં આવ્યો છે, જ્યારે નીલમને શનિનો રત્ન. આ બંને ગ્રહ એકબીજા સાથે શત્રુતાનો ભાવ રાખે છે. જેના કારણે જાતકોને અશુભ ફળ મળે છે. આ સાથે માણિક્યની સાથે નીલમને ધારણ ના કરવો જોઈએ. માણિક્યને સૂર્યનુ રત્ન માનવામાં આવે છે અને સૂર્ય-શનિને એકબીજા સાથે શત્રુતાનો ભાવ રહે છે. 
3. જ્યારે કોઈ રત્ન ધારણ કરો તો તેની પહેલા આ અધિપતિ ગ્રહની કુંડળીમાં સ્થિતિ અને અન્ય બીજા ગ્રહોની સાથે તેમનો સંબંધ અવશ્ય જોઇ લેવો જોઈએ. 
4. રત્ન ધારણ કરતા પહેલા આ વાતને અવશ્ય જાણી લેવી જોઈએ કે તે રત્ન શુદ્ધ છે કે નહીં. રત્ન નકલી ના હોવુ જોઈએ અને ખંડિત પણ ના હોવુ જોઈએ. 
5. કુંડળીનો અભ્યાસ કર્યા બાદ અને રત્નને ધારણ કરતા પહેલા આ પણ જાણવુ જરૂરી છે કે રત્ન કેટલુ હોવુ જોઈએ.
6. રત્નોને ધારણ કરતા પહેલા આ રત્ન સાથે સંબંધિત દિવસ અને તિથિનુ વિશેષ ધ્યાન રાખવુ જરૂરી હોય છે. જેના કારણે આ વસ્તુની ખબર પડ્યા બાદ રત્ન ધારણ કરો. 
7. રત્નોને પહેરતા પહેલા આ વાતની જાણકારી લેવી જરૂરી હોય છે કે રત્નને કઈ આંગળીમાં પહેરશો. દરેક રત્નની એક નિર્ધારિત આંગળી હોય છે.