- વિશ્વના અમીરોની યાદીમાં મોટા ફેરફાર
- સંપત્તિમાં વધારા સાથે મુકેશ અંબાણી 11માં સ્થાન પર
- અદાણી ફરી એકવાર ટોપ-20માં પહોંચી ગયા
શેરબજારોમાં ઉથલપાથલને પગલે વિશ્વના અમીરોની રેન્કિંગમાં પણ બદલાવ જોવા મળ્યો છે. જેમાં બ્લૂમબર્ગ બિલિયોનેર ઈન્ડેક્સમાં સામેલ ટોપ-10 અબજોપતિઓમાંથી 9 વ્યક્તિઓની સંપત્તિ ઘટી છે. મુકેશ અંબાણીની સંપત્તિમાં વધારો થયો છે. જે 11મા સ્થાન પર છે. વધુમાં અદાણી ફરી એકવાર ટોપ-20માં પહોંચી ગયા છે. એટલું જ નહીં ગૌતમ અદાણીનો ખોવાયેલો દરજ્જો પણ ફરી મળ્યો છે. તેણે ફરી એકવાર ચીનના અબજોપતિ ઝોંગ શાનશાનને પછાડી એશિયાના બીજા સૌથી મોટા અમીર વ્યક્તિની બન્યા છે. જ્યારે પ્રથમ નંબરે મુકેશ અંબાણી છે.
ટોચના-10 અબજોપતિઓની સંપત્તિમાં ઘટાડો
શુક્રવારે 2.67 અરબ ડોલર ધોવાયા બાદ પણ એલન મસ્ક હજી દુનિયાના સૌથી અમીર વ્યક્તિ છે. તેમની પાસે 2.5 અરબ ડોલરનું નેટવર્ક છે. અબજોપતિઓની યાદીમાં થયેલ ઉથલપાથલની વાત કરીએ તો ચોથા નંબર પર મોટો બદલાવ આવ્યો છે. ટોચના-10 અબજોપતિઓની સંપત્તિમાં ઘટાડો અને લેરી એલિસન નેટવાર્થમાં વધારાને પગેલ બિલ ગેટ્સે પોતાનું પદ ગુમાવી દીધુ છે. તેમના સ્થાને લેરી એલિસન બિલ ગેટ્સને પછાડીને વિશ્વના ચોથા સૌથી અમીર વ્યક્તિનું ગૌરવવંતુ પદ હાંસલ કર્યું છે. શુક્રવારે એલિસનની સંપત્તિમાં $1.09 બિલિયનનો વધારો થતા હવે તે પાસે $129 બિલિયન સંપત્તિના માલિક છે.
એશિયાના ધનિકની યાદીમાં મુકેશ અંબાણી નંબર વન પર
શુક્રવારે અદાણી ગ્રુપની કંપનીઓના શેરોએ રીતસરનો તરખાટ મચાવી દીધો હતો. જેની લઈને અદાણીની તિજોરી ભરાઈ જતા સંપત્તિમાં $2.92 બિલિયનનો વધારો થયો છે. સાથે જ તે તે $63.8 બિલિયનની સંપત્તિ સાથે સાથે વિશ્વના 20મા સૌથી અમીર વ્યક્તિ બની ગયા છે. વધુમાં તેણે ચીનના અબજોપતિ ઝોંગ શાનશાનને પાછળ રાખી એશિયાના બીજા સૌથી ધનિક વ્યક્તિનો દરજ્જો મેળવી લીધો છે. જ્યારે મુકેશ અંબાણી નંબર વન પર છે. બીજી તરફ, રશિયાના રાષ્ટ્રપતિ વ્લાદિમીર પુતિન વિશ્વના અબજોપતિઓની યાદીમાં 48માં નંબર પર પહોંચી ગયા છે. પુતિન પાસે હાલમાં 29 અબજ ડોલરની કુલ સંપત્તિ છે.
