ઇલેક્શન-2022 / વાહ! ગૌશાળાનું વીજળી બીલ થશે માફ, વિધાનસભા ચૂંટણી પહેલા આ મુખ્યમંત્રીનો મોટો દાવ

• પંજાબના મુખ્યમંત્રીની મહત્વની જાહેરાત
• ગૌશાળાના પેન્ડિંગ બિલ કરવામાં આવશે માફ
• ગૌશાળામાં સોલર સિસ્ટમ લગાવવા 5 લાખની સહાય

દેશના વિવિધ રાજ્યોમાં વિધાનસભાની ચૂંટણી આવી રહી છે. જેને લઇને રાજકીય પક્ષો મત મેળવવા પ્રજાને રિઝવવાનું કાર્ય કરી રહ્યા છે.  જાહેરાતો  કર્યા બાદ આખુ વર્ષ ભલે કામ થાય કે ન થાય પરંતુ  ચૂંટણી ટાણે નેતાઓ સત્તર વાયદા કરે. ત્યારે પંજાબમાં પણ વિધાનસભા 2022ની ચૂંટણીને લઇને  સરકારે એક મહત્વનો નિર્ણય કર્યો છે. મુખ્યમંત્રી ચન્નીએ રાજ્યમાં ગૌશાળામાં અત્યાર સુધીના પેન્ડિંગ બિલો માફ કરવાનો નિર્ણય કર્યો છે.

સોલર સિસ્ટમ માટે 5લાખની સહાય

પંજાબમાં ચૂંટણી પહેલા આમ આદમી પાર્ટીએ જ્યાં પહેલેથી જ મફતમાં વિજળી આપવાનો વાયદો કર્યો છે ત્યારે મુખ્યમંત્રી સીએમ ચન્ની પણ આ રેસમાં પાછળ નથી. ગૌશાળાના અત્યાર સુધીના પેન્ડિંગ વીજ બિલો માફ કરવાની જાહેરાત કરી છે તો સાથે ગૌશાળામાં સોલર સિસ્ટમ લગાવવા માટે 5 લાખ રૂપિયા સહાય આપવાની જાહેરાત કરી છે. જેથી સરળતાથી વીજળીનું ઉત્પાદન થઇ શકશે.

The Punjab government has decided to waive off pending electricity bills of all 'Gaushalas' in the state. Rs 5 lakhs each will be given to all gaushalas to set up solar systems for electricity: CM Charanjit Singh Channi pic.twitter.com/QO9fZwFBsj

— ANI (@ANI) January 4, 2022

યુવાઓને નોકરી આપવાનો પણ કર્યો વાયદો

પંજાબના મુખ્યમંત્રી ચરણજીત સિંહ ચન્નીએ કહ્યું કે જો કોંગ્રેસ આગામી વિધાનસભાની ચૂંટણીમાં સત્તામાં આવશે તો યુવાઓને એક વર્ષની અંદર નોકરી આપશે. તેઓએ એક પ્રાઇવેટ યુનિવર્સિટીમાં પંજાબ સરકાર યુવાઓ માટે રોજગાર ગેરંટી યોજનાનો શુભારંભ કર્યા બાદ કહ્યુ કે ધોરણ 12 પાસ કરનાર યુવાઓને નોકરીને પાત્ર બનશે. સરકાર બન્યા બાદ એક વર્ષની અંદર અંદર નોકરી આપવામાં આવશે. ચન્ની સરકારે કહ્યુ કે નોકરીઓનો વાયદો એ કોઇ જાહેરાત નહી પરંતુ પંજાબ મંત્રીમંડળના નિર્ણયના સમર્થનમાં એક પ્રતિબદ્ધતા છે. તેમણે એમ પણ કહ્યુ કે કોંગ્રેસ સરકારનો આ પહેલો નિર્ણય યુવાઓને નોકરીઓ આપવાનો છે.