- સાબરકાંઠાના હડીયોલ ગામે ગેંગરેપ કેસ મામલો
- હિંમતનગર ડિસ્ટ્રિક્ટ કોર્ટ દ્વારા અપાયો ચુકાદો
- 5 આરોપીઓને આજીવન કેદની સજા ફટકારાઈ
સાબરકાંઠાના હડીયોલ ગામે ગેંગરેપ મામલે કોર્ટે મહત્વનો ચુકાદો આપ્યો છે. હિંમતનગર ડિસ્ટ્રિક્ટ કોર્ટ દ્વારા ચુકાદો અપાયો છે. જેમાં પાંચ આરોપીઓને આજીવન કેદની સજા ફટકારાઈ છે.
પીડીતાને 5 લાખ વળતર ચુકવવા કોર્ટનો આદેશ
હડીયોલ ગામે ગેંગરેપ કેસમાં હિંમતનગર ડિસ્ટ્રિક્ટ કોર્ટે મહત્વનો ચુકાદો આપ્યો છે. જેમાં પાંચ નરાધમ આરોપીઓને આજીવન કેદની સજા ફટકારાઈ છે. પાણી પીવાના બહાના હેઠળ દુષ્કર્મ આચર્યું હતું. પીડીતાને 5 લાખ વળતર ચુકવવા કોર્ટે આદેશ કર્યો છે. દરેક આરોપીને 50 હજારનો દંડ ફટકારાયો છે. તમને જણાવી દઈએ કે, 4 વર્ષ બાદ આ કેસમાં ચુકાદો આવ્યો છે.
.jpg)
સુરત કોર્ટે રેપ કેસમાં ફાંસીની સજા આપી હતી
થોડા દિવસ અગાઉ સુરત કોર્ટે મુકેશ પંચાલ નામના આરોપીને ફાંસીની સજા આપી હતી. આરોપી પર 302, 376 સહિતની કલમો હેઠળ કાર્યવાહી કરાઈ હતી. નરાધમે ચોકબજાર વિસ્તારમાં 7 વર્ષની બાળકી સાથે દુષ્કર્મ આચર્યું હતું. આરોપીએ દુષ્કર્મ બાદ બાળકીની હત્યા પણ કરી નાંખી હતી. આરોપી મુકેશ પંચાલને કોર્ટે દોષી જાહેર કર્યો હતો જે બાદ તેને ફાંસીની સજા આપી હતી તેમજ ભોગ બનનાર પરિવારને 23.50 લાખનું વળતર ચૂકવવા પણ આદેશ આપ્યો હતી
સુરતમાં એક કેસમાં 20 વર્ષની સજા અપાઈ હતી
અગાઉ કિશોરી પર દુષ્કર્મ આચરનારા શખ્સને સુરત કોર્ટે 20 વર્ષની સજા ફટકારી હતી. આરોપી મનોજ નયાને 20 વર્ષની સજા કોર્ટ આપી હતી. લગ્નની લાલચે કિશોરીને આરોપી ભગાવી લઈ ગયો હતો. તમને જણાવી દઈએ કે, વર્ષ 2020માં દીકરીને અપહરણ કરી દુષ્કર્મ આચર્યુ હતું. આરોપી પુણા ગામની વલ્લભનગર સોસાયટીમાં રહેતો હતો અને સુરતની કોર્ટમાં દુષ્કર્મ અને પોક્સો હેઠળ કેસ ચાલ્યો હતો.
