- 300 વર્ષ બાદ સર્જાઈ રહ્યો છે અનોખો યોગ
- 10 દિવસ આનંદ ઉત્સાહ અને ધાર્મિક વાતાવરણ
- અનેક રાશિના લોકોને મળી શકે છે મોટો લાભ
સનાતન ધર્મમાં જેમની સૌપ્રથમ પૂજા થાય છે તેવા ગરવા ગણેશના જન્મોત્સવ એટલે કે ગણેશ ચતુર્થીના પાવન પર્વની આજથી શરૂઆત થઈ રહી છે. જેને લઈને ભક્તોમાં ખુશીનો માહોલ છે. આજથી દસ દિવસ સુધી ધાર્મિક વાતાવરણ જોવા મળશે. ત્યારે ખાસ આ વર્ષનું મહત્વનુ એટલા માટે વધી ગયું છે કે આ વર્ષે 300 વર્ષ બાદ અદભુત સંયોગ બની રહ્યો છે. જેને લઈને અનેક રાશિના લોકોને ખૂબ જ ફાયદો થશે.
- ભગવાન ગણેશજીના જન્મદિવસ નિમિતે ગણેશ ભગવાનની મૂર્તિનું ઘરે સ્થાપન કરવામાં આવે છે. ત્યારે મૂર્તિ સહે જ પણ ખંડિત ન હોય તે બાબતનું ધ્યાન રાખવું જોઈએ.
- આ ઉપરાંત ભગવાન ગણેશજીની પૂજામાં ભૂલથી પણ કેતકીના ફૂલ કે તુલસીના પણ ન અર્પણ કરવા જોઈએ.
- વધુમાં ભગવાનની પૂજા કરતી વેળાએ આવશ્ય સ્નાન કરવું જોઈએ. સ્નાન કર્યા વગર ભગવાન ગણેશની પૂજા ન કરવી. પૂજા આગાઉ શરીર અને મનને શુદ્ધ કરવું જોઈએ.સાથે જ બ્રહ્મચર્યનું પાલન કરો.
- સાથે જ ગણેશ ચતુર્થીના દિવસે દિવસ દરમિયાન ઊંઘ ન કરવી જોઈએ. આમ કરવાથી ભગવાન કોપાયમાન થાય છે.વધુમાં ઉપવાસમાં માત્ર ફળ જ ખાવા જોઈએ.
- તે જ રીતે ગણેશજીની સ્થાપના હોય એટલા દિવસ ભૂલથી પણ લસણ કે ડુંગળીને હાથ અડાવવો જોઈએ નહીં! પૂજા બાદ પણ લસણ અને ડુંગળી ખાવાનું ટાળવું જોઈએ.
મેષ રાશિ
મેષ રાશિના લોકો માટે ગણેશ ચતુર્થીનો દિવસ ખૂબ જ શુભ માનવામાં આવી રહ્યો છે. આ રાશિના લોકો પર ગણેશજીની કૃપા વરસશે. જેને લઇને ભાગ્ય તેઓને સાથ દેશે. આ ઉપરાંત વર્ષ દરમિયાન અટકેલા કામો બમણી ગતિથી વેગ પકડશે. જીવનમાં ધન અને ધાન્યની ખૂબ વૃધ્ધિ થશે. સાથે જ પરિવારમાં ખુશીનો માહોલ રહેશે અને વેપારમાં પણ સારા સમાચાર મળે તેવા સંજોગો જોવા મળી રહ્યા છે. આ સમયગાળા દરમિયાન ભગવાન ગણેશજીને લાડુનો ભોગ ધરવો જોઈએ.
તુલા
300 વર્ષ બાદ બનતો ગણેશ ચતુર્થીનો આ અદભુત યોગ તુલા રાશિના લોકો માટે પણ સારા સમાચાર લઈને આવશે. વિદ્યાર્થીઓ માટે આ દિવસ ખૂબ જ મહત્વપૂર્ણ છે તો તૈયારી કરી રહેલા ઉમેદવાર માટે પણ સારી ખબર લઈ અને આવી શકે છે. આ ઉપરાંત ગણેશજીની કૃપાથી બેંક બેલેન્સમાં વધારો થાય અને શત્રુ પણ તમારો સાથ આપે તેવી સ્થિતિનું નિર્માણ થશે. તેમજ મીઠી વાણીને લઈને તમે બીજા લોકોના દિલ જીતી શકશો અને ગણેશજીની કૃપા મેળવવા મસ્તક પર દુર્વા ઘાસ ચડાવવું જોઈએ.
કન્યા
કન્યા રાશિના લોકો માટે પણ ગણેશ ચતુર્થીનો આજનો દિવસ લાભદાયક માનવામાં આવી રહ્યો છે. ભગવાન ગણેશજીની કૃપાથી તમે તમામ પ્રયાસમાં સફળતાની સીડી ચડશો. તથા વેપારમાં પણ ઘણી ડીલ થઈ શકે છે. આ ઉપરાંત કન્યા રાશિના લોકોને સંતાન સંબંધી પણ સારા સમાચાર મળી શકે છે. ગણેશજીની કૃપા મેળવવા માટે પીળા રંગનું પુષ્પ અર્પણ કરવું જોઈએ.
