- ડ્રાઈવિંગ ટેસ્ટમાં સત્તાનો દુરુપયોગ
- જયદીપસિંહ ઝાલાએ આચર્યું કૌભાંડ
- ટેસ્ટ વિના જ અપાતું હતું લાયસન્સ
- એજન્ટ્સ સાથે સાંઠગાંઠનો ખુલાસો
ગાંધીનગર RTOમાં ડ્રાઈવિંગ ટેસ્ટ કૌભાંડનો પર્દાફાશ થયો છે. RTO ઇન્સ્પેક્ટર જયદીપસિંહ ઝાલાએ ઇન્ચાર્જ ARTOના હોદ્દા પર રહીને સોફ્ટવેરમાં ચેડા કરીને ડ્રાઈવિંગ ટેસ્ટ વિના જ લાયસન્સ ઈશ્યુ કર્યા હોવાનું તપાસમાં સામે આવ્યું છે. ગાંધીનગરના કેટલાક એજન્ટ્સ સાથે તેમની સાંઠગાંઠ હોવાનો ખુલાસો થયો છે. તેમના મોબાઈલ ફોનની ચકાસણીમાં કેટલાંક એજન્ટોની વિગતો મળી છે. હાલ સાયબર ક્રાઈમ દ્વારા ગાંધીનગર RTOના આરટીઓ ઇન્સપેક્ટર જયદીપસિંહ ઝાલા, સમીર રતનધારીયા અને એજન્ટ ભાવિન શાહની ધરપકડ કરીને કાર્યવાહી કરવામાં આવી છે.
અમદાવાદના અધિકારીએ નોંધાવી હતી ફરિયાદ
ડ્રાઈવિંગ ટેસ્ટ વગર જ સારથી એપ્લિકેશનમાં પાસ બતાવીને ગાંધીનગર RTOમાં ચાલતા કૌભાંડ અંગે અમદાવાદ RTO કચેરીના અધિકારી દ્વારા સાયબર ક્રાઈમમાં ફરિયાદ નોંધાવવામાં આવી હતી. જે બાદ સાયબર ક્રાઈમ દ્વારા તપાસનો ધમધમાટ શરૂ કરાયો હતો.
તપાસમાં થયા ચોંકાવનારા ખુલાસા
સાયબર ક્રાઈમની તપાસમાં સામે આવ્યું કે વર્ષ 2022માં ગાંધીનગર આરટીઓના આરટીઓ ઇન્સ્પેક્ટર જયદિપસિંહ ઝાલા ઈન્ચાર્જ એઆરટીઓ હતા. આ દરમિયાન તેમણે સત્તાનો દુરઉપયોગ કરીને સમગ્ર કૌભાંડ આચર્યું હતું. તેમણે અમદાવાદ અને ગાંધીનગરમાં ડ્રાઈવિંગ ટેસ્ટમાં કૌભાંડ આચર્યું છે. ડ્રાઈવિંગ ટેસ્ટ વિના જ સોફ્ટવેરમાં ચેડા કરીને આ કૌભાંડ આચરવામાં આવતું હતું.
ડ્રાઈવિંગ ટેસ્ટમાં સત્તાના દુરુપયોગનો ખુલાસો
તપાસમાં ગાંધીનગરના કેટલાક એજન્ટ્સ સાથે તેમની સાંઠગાંઠ હોવાનો ખુલાસો થયો છે. હાલ આરટીઓ ઇન્સ્પેક્ટર જયદિપસિંહ ઝાલા, સમીર રતનધારીયા અને એજન્ટ ભાવિન શાહની ધરપકડ કરવામાં આવી છે. આ તમામની પૂછપરછમાં અન્ય એજન્ટોના નામ પણ બહાર આવી શકે છે.
