હોલી હેૈ / દ્વારકાથી લઇને કાલુપુર સ્વામિનારાયણ મંદિર..., આખુંય ગુજરાત હોળીના રંગે રંગાયું, બાળકોથી લઇને યુવાનો ઝૂમી ઉઠ્યાં

ધૂળેટીના પર્વ પર સમસ્ત ગુજરાત રંગોમાં રંગાયેલું જોવા મળ્યું... ઠેર-ઠેર ધૂળેટીના પર્વની ધામધૂમથી ઉજવણી થઇ..ખાસ કરીને ભગવાનના ધામોમાં ભક્તોના ઘોડાપુર ઉમટ્યા હતા.. સાળંગપુર હોય કે કાલુપુર સ્વામી નારાયણ મંદિર, દ્વારકા હોય કે શામળાજી બધેજ ભક્તોએ ખુબજ ઉત્સાહપૂર્વક રંગોનો આ ઉત્સવ ઉજવ્યો. 

હનુમાનજીના પાવન તીર્થ સાળંગપુરમાં રંગોત્સવ ઉજવાયો જેમાં 51 હજાર કિલો રંગના ઉત્સવમાં દાદાનું ધામ રંગાયેલું જોવા મળ્યું 

 

તો બીજી તરફ દ્વારકામાં ફુલડોલ ઉત્સવને લઇને માનવ મહેરામણ ઉમટી પડ્યુ હતું અને સૌ કોઇ રંગોના આ પવિત્ર ઉત્સવમાં રંગાઇ ગયા હતા 

 

અમદાવાદના જગન્નાથ મંદિરમાં પણ ભક્તોએ ધામધૂમથી ધૂળેટીનો પર્વ ઉજવ્યો હતો.. મંદિર પરિસરમાં ભકતોએ રંગ ઉડાવી, ભગવાન જગન્નાથનો જયકારો બોલાવ્યો હતો

અમદાવાદના કાલુપુર સ્વામીનારાયણ મંદિરમાં પણ ધૂળેટીના પર્વની ધામધૂમથી ઉજવણી થઇ.. સ્વામી નારાયણ મંદિરમાં મોટી સંખ્યામાં શ્રદ્ધાળુઓ ઉમટી પડ્યા હતા અને અબિલ-ગુલાલની છોળો વચ્ચે આ પર્વ ઉજવ્યો હતો

 

પ્રસિદ્ધ શામળાજી મંદિરમાં પણ ધૂળેટી પર્વની રંગેચંગે ઉજવણી થઇ.. અહીં ભગવાનને ચાંદીની પીચકારીથી અને અબિલ-ગુલાલથી રંગવામાં આવ્યા હતા.. આ પર્વ પર શ્રદ્ધાળુઓમાં ભારે ઉત્સાહ જોવા મળ્યો હતો 

 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો