હેલ્થ ટિપ્સ / ડાયાબિટિસ કંટ્રોલ કરવાથી લઈને વજન ઓછું કરવામાં કારગાર છે આ ફળ, નિયમિત સેવનથી સ્વાસ્થ્યને થશે અઢળક લાભ

• રોજ એક કાચું કેળું ખાવાથી ડાયાબિટિસ કંટ્રોલમાં રહેશે
• વજન ઓછું કરવામાં પણ મદદ કરે 
• કાચા કેળા રોગપ્રતિકાર શક્તિ વધારવામાં પણ મદદરૂપ 

રોજિંદી જિંદગીમાં સતત વધતા જતા સ્ટ્રેસના કારણે અનેક લોકો ડાયાબિટિસની બીમારીમાં સપડાઇ જાય છે. ડાયાબિટિસને નિયંત્રણમાં રાખવા દવાઓનું સેવન કરવું પડે છે અને દવાઓનાં વધારે પડતાં સેવનથી આડઅસર પણ થાય છે. કદાચ તમે જાણતા નહીં હો કે, રોજનું એક કાચું કેળું ખાવાથી ડાયાબિટિસ કંટ્રોલમાં રહે છે. કાચા કેળા એન્ટી-ઓક્સિડેંટ્સ અને સ્ટાર્ચથી ભરપૂર હોય છે. તે વજન ઓછું કરવામાં, કબજિયાતથી છુટકારો મેળવવામાં, ભૂખ વધારવામાં અને ડાયાબિટિસને નિયત્રંણમાં લાવવા માટે પણ ખૂબ ફાયદાકારક સાબિત થાય છે. કાચા કેળા રોગપ્રતિકાર શક્તિ વધારવામાં મદદરૂપ બને છે, કાચા કેળા શરીરને ઊર્જા પૂરી પાડે છે. કાચા કેળા શાક, વેફર કે પછી ભજિયા

 બનાવવામાં કામ આવે છે. કાચા કેળાનું નિયમિત સેવન કરવાથી પણ અનેક ફાયદા થાય છે. બોડી બિલ્ડિંગ કરતા લોકો મસલ્સ વધારવા માટે દરરોજ એક પાકેલું કેળું ખાતા હોય છે. 

 

હાડકાં મજબૂત બને
કાચા કેળામાં વિટામિન, મેગ્નેશિયમ અને કેલ્શિયમની પર્યાપ્ત માત્રા હોવાને કારણે તે હાડકાંને મજબૂત બનાવવા, અને સાંધાના દુ:ખાવાથી છુટકારો મેળવવા માટે મદદગાર સાબિત થાય છે.

ભૂખને નિયંત્રિત કરવા માટે 
વધારે માત્રામાં ભૂખ લાગતી હોય તો તે મોટાપાનું કારણ બની શકે છે. કાચા કેળામાં ફાઇબર્સ હોય છે. આના સિવાય બીજાં એવાં ઘણાં પોષક તત્વો પણ હોય છે, જે ભૂખને નિયત્રિત રાખવામાં કામ કરે છે. 

ડાયાબિટિસમાં ઉપયોગી
કોઇને ડાયાબિટિસની સમસ્યા છે, અને હમણાં એની શરૂઆત જ થઈ છે, તો કાચા કેળા ખાવાનું શરૂ કરી દેવાથી ડાયાબિટિસ કંટ્રોલમાં આવી શકે છે.

કબજિયાતમાં રાહત આપે 
કેળામાં ફાયબર ભરપૂર માત્રામાં હોય છે, અને તેમાં હેલ્ધી સ્ટાર્ચ પણ જોવા મળે છે. તે આંતરડાંમાં કોઈ પણ પ્રકારની અશુદ્ધિને જામવા નથી દેતો. કબજિયાતની સમસ્યા હોય કાચા કેળા ખાવાં જોઈએ. 

મૂડ સારો કરવા માટે 
કાચા કેળામાં એમિનો એસિડ હોય છે, જે મગજમાં થનાર રાસાયણિક પરિવર્તને સંતુલિત કરવાનું કામ કરે છે. આનાથી મૂડમાં વારંવાર થનારા પરિવર્તન નિયંત્રિત કરવામાં મદદ મળે છે.

વજન ઓછું કરવા માટે
ભૂખને નિયંત્રિત કરવાં વાળાં આ કાચા કેળા વજન ઘટાડવા માંગતા લોકો માટે ખૂબ ફાયદાકારક છે. અનાવશ્યક ફેટ સેલ્સ અને અશુદ્ધિઓને સાફ કરવામાં કાચા કેળા મદદ કરે છે.