- આજથી GST કલેક્શનમાં મોટો ફેરફાર થશે
- પંજાબ નેશનલ બેંકના ATMથી વિડ્રોવલનો બદલાયો નિયમ
- આજથી રોકાણકારોએ KYC સાથે માત્ર ઈ-વોલેટ દ્વારા જ રોકાણ કરવાનું રહેશે
આજે મે મહિનાનો પહેલો દિવસ છે. આવી સ્થિતિમાં, દર મહિનાની શરૂઆતમાં કેટલાક નિયમો બદલાય છે. આ સાથે આજથી ઘણા નિયમો બદલાવા જઈ રહ્યા છે. જેની સીધી અસર સામાન્ય માણસના ખિસ્સા પર પડશે. આવી સ્થિતિમાં, તમારે જાણવું જ જોઇએ કે આજથી કયા નિયમોમાં ફેરફાર થવાના છે. આવો જાણીએ કે આજથી કયા નિયમોમાં ફેરફાર થવા જઈ રહ્યા છે.
ગેસ સિલિન્ડરની નવી કિંમતો દર મહિનાની શરૂઆતમાં એટલે કે પહેલા દિવસે નક્કી કરવામાં આવે છે. તે જ સમયે, જીએસટીથી લઈને બેંક અને એટીએમમાંથી પૈસા ઉપાડવા સુધીની ઘણી મહત્વપૂર્ણ બાબતો આજથી લાગુ કરવામાં આવી રહી છે.
GST ક્લેક્શનમાં થનારા બદલાવ
આજથી GST કલેક્શનમાં મોટો ફેરફાર થવા જઈ રહ્યો છે. આજથી, 100 કરોડથી વધુનું ટર્નઓવર ધરાવતી કંપનીઓએ 7 દિવસની અંદર તેમના વ્યવહારો માટે ઇનવોઇસ જનરેટ કરીને આપવા પડશે. તેઓએ આ ઇન્વૉઇસ IRP એટલે કે ઇન્વૉઇસ રજિસ્ટ્રેશન પોર્ટલ પર અપલોડ કરવાનું રહેશે. હવે આ ફરજિયાત કરવામાં આવ્યું છે.
ATMથી વિડ્રોવલનો બદલાયો નિયમ
જો તમારું એકાઉન્ટ પંજાબ નેશનલ બેંકમાં છે તો આ નિયમથી તમને આંચકો લાગી શકે છે. આજથી, જો તમે ATMમાંથી પૈસા ઉપાડવાનો પ્રયાસ કરો છો અથવા તમારા ખાતામાં પૈસા વગર બેલેન્સ ચેક કરો છો. તેથી ફેલ્ડ ટ્રાંજક્શન તમારે 10 રૂપિયાનો દંડ અને GST ચૂકવવો પડશે.
મ્ચ્યુઅલ ફંડમાં KYC
જો તમે મ્યુચ્યુઅલ ફંડમાં રોકાણ કરો છો, તો આજથી તમે KYC વિના રોકાણ કરી શકશો નહીં. માર્કેટ રેગ્યુલેટર સેબીના જણાવ્યા અનુસાર, આજથી રોકાણકારોએ KYC સાથે માત્ર ઈ-વોલેટ દ્વારા જ રોકાણ કરવાનું રહેશે. જો તમારું કેવાયસી હજી સુધી કરવામાં આવ્યું નથી, તો તમારે તેને સમયસર પૂર્ણ કરવું જોઈએ. SEBIએ 1 મે પહેલા KYC માટે સમયમર્યાદા આપી હતી.
વધી શકે છે ગેસ સિલેન્ડરનો ભાવ
દર મહિનાની પહેલી તારીખે સરકાર ગેસ સિલિન્ડર અને CNG-PNGની કિંમતો જાહેર કરે છે. આવી સ્થિતિમાં આજે તેની કિંમતોમાં ફેરફાર થઈ શકે છે. આજે આ મહિના માટે નવા દર જાહેર કરવામાં આવી શકે છે.
