- કડી APMCની 15 બેઠકો માટે 85 ઉમેદવારો મેદાને
- પૂર્વ નાયબ મુખ્યમંત્રી નીતિન પટેલે નોંધાવી છે ખરીદ વેચાણ મંડળીમાંથી ઉમેદવારી
- એક માત્ર નીતિન પટેલનું ફોર્મ ભરાતાં નીતિન પટેલ બન્યા બિનહરીફ
- APMCમાં 10 ખેડૂત વિભાગ, 4 વેપારી વિભાગ માટે ભરાયા 90 ફોર્મ
- 5 ડિસેમ્બરે મતદાન, 28 નવેમ્બર ફોર્મ પાછું ખેંચવાની છેલ્લી તારીખ
Kadi APMC Election : રાજ્યના પૂર્વ નાયબ મુખ્યમંત્રી નીતિન પટેલને લઈ મોટા સમાચાર સામે આવ્યા છે. વાત જાણે એમ છે કે, નીતિન પટેલને કડી APMCમાં મોટું પદ મળશે. વિગતો મુજબ કડી APMCની 15 બેઠકો માટે 85 ઉમેદવારો મેદાને છે. જેને લઈ પૂર્વ નાયબ મુખ્યમંત્રી નીતિન પટેલે ખરીદ વેચાણ મંડળીમાંથી ઉમેદવારી નોંધાવી છે. જોકે અહી મહત્વનું છે કે, એક માત્ર નીતિન પટેલનું ફોર્મ ભરાતાં નીતિન પટેલ બિનહરીફ બન્યા છે.
મહેસાણા જિલ્લાની કડી APMCમાં 15 બેઠકોની ચૂંટણી માટે 85 ઉમેદવારો મેદાને છે. જેને લઈ કડી APMCમાં 10 ખેડૂત વિભાગ, 4 વેપારી વિભાગ માટે 90 ફોર્મ ભરાયા છે. મહત્વનું છે કે, 90માંથી 5 ફોર્મ રદ થતાં 85 ઉમેદવારો મેદાને છે. આ ચૂંટણીમાં ફોર્મ પાછું ખેંચવાની છેલ્લી તારીખ 28 નવેમ્બર છે. APMCનું મતદાન 5 ડિસેમ્બરના રોજ યોજાશે. નોંધનિય છે કે, 30 વર્ષ બાદ કડી APMCમાં સૌથી વધુ ઉમેદવારોએ ફોર્મ ભર્યા છે.
નીતિન પટેલબીનહરીફ
રાજ્યના પૂર્વ નાયબ મુખ્યમંત્રી નીતિન પટેલે પણ કડી APMCમાં ઝંપલાવ્યું છે. નીતિન પટેલે ખરીદ વેચાણ મંડળીમાંથી ઉમેદવારી નોંધાવી છે. જોકે અહીં રસપ્રદ વાત એ છે કે, 5 ડિસેમ્બર રોજ મતદાન પહેલા ખરીદ વેચાણ મંડળીમાં એકમાત્ર નીતિન પટેલે જ ફોર્મ ભર્યું હોવાથી તેઓ બિનહરીફ થયા છે. જેથી હવે કડી APMCની ચૂંટણીમાં 14 બેઠકો માટે 85 ઉમેદવારો મેદાનમાં છે.
