ફેક્ટ ચેક / VIDEO: કેળાના પાન પર જમવા બેઠા ફૉરેનર્સ, શું ઋષિ સુનકે આપી હતી પાર્ટી? જાણો વાયરલ વીડિયોનું સત્ય શું

• ઋષિ સુનકે પોંગલના અવસર પર લંચ પાર્ટી આપી હોવાનો દાવો 
• કેળાના પાન પર ફૉરેનર્સ જમવા બેઠા હોય તેવો વિડીયો વાયરલ 
• વિડીયોમાં કરવામાં આવેલ દાવો ખોટો હોવાનું સામે આવ્યું

સોશિયલ મીડિયા પર અવારનવાર અનેક વિડીયો વાયરલ થતાં હોય છે. તો વળી અનેક યુઝર્સ પણ વિડીયોની સત્યતા જાણ્યા વગર જ તેને સોશિયલ મીડીયામાં શેર કરતાં હોય છે. આવો જ એક વિડીયો તાજેતરમાં વાયરલ થયો છે. જેમાં પોંગલ તહેવાર વચ્ચે સોશિયલ મીડિયા પર એક વીડિયો વાયરલ થયો હતો. વીડિયોમાં કેટલાક લોકો દક્ષિણ ભારતનું પરંપરાગત ભોજન ખાતા જોવા મળે છે. દાવો કરવામાં આવ્યો હતો કે આ વીડિયો લંડનનો છે. બ્રિટનના વડાપ્રધાન ઋષિ સુનકે પોંગલના અવસર પર લંચ પાર્ટી આપી હતી. જોકે હવે આ વિડીયોમાં કરવામાં આવેલ દાવો ખોટો હોવાનું સામે આવ્યું છે. 

દક્ષિણ ભારતમાં ઉજવાતો પોંગલ તહેવાર વિશ્વના દરેક ભાગમાં જ્યાં ભારતીયો વસે છે ત્યાં ઉજવવામાં આવે છે. થોડા દિવસો પહેલા પોંગલ તહેવાર વચ્ચે સોશિયલ મીડિયા પર એક વીડિયો વાયરલ થયો હતો. વીડિયોમાં કેટલાક લોકો દક્ષિણ ભારતનું પરંપરાગત ભોજન ખાતા જોવા મળે છે. જોકે આ વિડીયોમાં કરવામાં આવેલ દાવો ખોટો હોવાનું સામે આવ્યું છે. 

શું છે વિડીયોનું સત્ય ? 
બ્રિટિશ વડાપ્રધાન ઋષિ સુનક ભારતીય સંસ્કૃતિમાં મૂળ ધરાવે છે અને હિંદુ છે તેથી લોકો તેમના પોંગલ લંચ પાર્ટીના દાવાને સરળતાથી માને છે. વીડિયોમાં કેટલીક વિદેશી મહિલાઓ અને પુરુષો પરંપરાગત રીતે સાઉથ ઈન્ડિયન ફૂડ ખાતા જોવા મળે છે. પ્રારંભિક દાવા મુજબ આ વિડિયો લંડનમાં ઋષિ સુનકની લંચ પાર્ટીનો છે, જે પોંગલના અવસર પર આયોજિત કરવામાં આવી હતી.

વાયરલ વિડીયો ક્યાંનો ? 
વાસ્તવમાં આ વીડિયો કેનેડાના વોટરલૂનો છે. તમિલ કલ્ચર એસોસિએશન દ્વારા ભોજન સમારંભનું આયોજન કરવામાં આવ્યું હતું. આ દરમિયાન પોલીસ અને અન્ય ઘણા અધિકારીઓ કેળાના પાંદડા પર પરંપરાગત ભોજન ખાતા જોવા મળે છે. પોંગલને 'થાઈ પોંગલ' પણ કહેવામાં આવે છે જે મુખ્યત્વે સમગ્ર વિશ્વમાં તમિલો દ્વારા ઉજવવામાં આવે છે. વોટરલૂના રાજકારણીઓ, પ્રાદેશિક મેયર, કાઉન્સિલરો અને પોલીસ અધિકારીઓ અને કર્મચારીઓ પોંગલ તહેવારનો ભાગ હતા તેની પુષ્ટિ કરવામાં આવી છે.