- સિંહ રાશિમાં સીધો ગોચર કરી રહ્યો છે બુધ
- મિથુન સહિત અનેક રાશિના જાતકોને થશે ફાયદો
- આર્થિક સમસ્યા અને સ્વાસ્થ્ય સંબંધી ઉપાધિનો આવી શકે છે અંત
જ્યોતિષશાસ્ત્રમાં જણાવાયા અનુસાર ગ્રહોની ચાલની વ્યક્તિના જીવનમાં ખૂબ જ અસર જોવા મળતી હોય છે. ચાલમાં પરિવર્તનને લઇને લોકોના જીવનમાં ઉતાર ચઢાવ આવતા હોય છે. આવી સ્થિતિ વચ્ચે શાસ્ત્રમાં જેને બુદ્ધિનો કારક માનવામાં આવે છે તે બુધ ટૂંક સમયમાં પોતાનો માર્ગ બદલવા જઈ રહ્યો છે. પાંચ દિવસ બાદ એટલે કે 16 સપ્ટેમ્બરના રોજ, બુધ સિંહ રાશિમાં સીધો ગોચર કરી રહ્યો છે. જેના યશપરિણામ સ્વરૂપે કેટલીક અમુક રાશિના જાતકોની પીડાનો સમય દૂર થઈ રહ્યો છે. જોકે કેટલીક રાશિઓ માટે અશુભ પણ નીવડી શકે છે. ત્યારે કઇ રાશિને ફાયદો થશે આવો જાણીએ વિસ્તારથી!
સિંહ રાશિ
બુધની સીધી ચાલ સિંહ રાશિના લોકો માટે ખૂબ જ ફાયદાકારક માનવામાં આવી રહી છે. એટલે કે 16 સપ્ટેમ્બરના દિવસ પછી સિંહ રાશિના જાતકોના જીવનમાં જલસા જ જલસા છે. વેપારમાં થોડો ઘણો ઉતાર-ચઢાવ જોવા મળશે. પરંતુ છતાં પણ તમે ફાયદામાં રહો તેવા સંકેતો જોવા મળી રહ્યા છે. આ ઉપરાંત સ્વાસ્થ્ય પણ પહેલા કરતા ખૂબ સારું રહે તેવું જણાઈ રહ્યું છે. ખાસ વેપારમાં અટવાયેલા નાણા તમારી સુઝબુઝને પગલે ફરી પાછા તમને મળી શકે છે.
મિથુન રાશિ
મિથુન રાશિના લોકો માટે પણ બુધની સિંહ રાશિમાં સીધી ચાલ શુભ માનવામાં આવી રહી છે. આ સમયગાળા દરમિયાન તમારી આર્થિક પરિસ્થિતિ ખૂબ સારી રહી શકે છે. જો તમે નોકરી સાથે સંકળાયેલા હોય તો કામનો લોડ ઓછો થઈ શકે છે. તથા સ્વાસ્થ્યને ધ્યાન રાખો અને હેલ્ધી ડાયટ લેવામાં આવે તેવું સૂચવાયું છે. આ ઉપરાંત માતા સાથે સમય વિતાવવો ખૂબ ફાયદાકારક છે.
તુલા રાશિ
બુધનું આ ગોચર તુલા રાશિના લોકો માટે પણ આવકારદાયક નીવડશે. પરીક્ષાની તૈયારી કરી રહેલા ઉમેદવારોના મનમાં અભ્યાસ પ્રત્યે રુચિ લાગશે અને તમે ધ્યાન કેન્દ્રિત કરીને ભણી શકશો સાથે રિઝલ્ટ પણ મેળવી શકશો. આ સ્થિતિ વચ્ચે જંક ફૂડ ખાવાનું ટાળવું જોઈએ અને વેપારમાં પણ મોટા ફાયદાના સંકેતો જોવા મળી રહ્યા છે.
