આગાહી / માછીમારો સાવધાન: આવતીકાલે સૌરાષ્ટ્રમાં પડશે અતિભારે વરસાદ, જૂનાગઢ-ગીર સોમનાથમાં રેડ ઍલર્ટ જાહેર

• હવામાન વિભાગ દ્વારા કરાઈ આગાહી
• આવનાર 5 દીવસ ગુજરાતમાં વરસાદ રહેશે
• આવતીકાલે સમગ્ર ગુજરાતમાં ભારે વરસાદની આગાહી

ગુજરાતમાં વરસાદનાં પ્રથમ રાઉન્ડમાં સૌરાષ્ટ્ર તેમજ દક્ષિણ ગુજરાતમાં સારા એવા પ્રમાણમાં વરસાદ પડ્યો છે. તેમજ ઉત્તર ગુજરાતમાં પણ છુટો છવાયો વરસાદ પડ્યો હતો. ત્યારે હવે આજથી વરસાદનાં બીજા રાઉન્ડની શરૂઆત થઈ છે. હવામાન વિભાગ દ્વારા આવનારા દિવસોમાં સાર્વત્રિક વરસાદની હવામાન વિભાગ દ્વારા આગાહી કરી છે. ત્યારે આવતીકાલે ગીર સોમનાથ તેમજ જૂનાગઢમાં અતિ ભારે વરસાદને લઈ હવામાન વિભાગ દ્વારા રેડ એલર્ટ કરવામાં આવ્યું છે.  

5 દિવસ ગુજરાતમાં સાર્વત્રિક વરસાદની આગાહી
આ બાબતે હવામાન વિભાગનાં ડાયરેક્ટર મનોરમા મહંતીએ જણાવ્યું હતું કે,  ગુજરાતમાં આવનારા 5 દિવસ સાર્વત્રિક વરસાદની આગાહી કરવામાં આવી છે. આવનારા 3 દિવસ સમગ્ર ગુજરાતમાં ધોધમાર વરસાદ પડી શકે છે. જે બાદ 2 દિવસ ધીરે ધીરે વરસાદનું જોર ઘટશે. હવામાન વિભાગના જણાવ્યા પ્રમાણે શનિવારે સમગ્ર ગુજરાતમાં વરસાદ જોવા મળશે.

સૌરાષ્ટ્રનાં દરિયાકાંઠાનાં વિસ્તારોમાં ભારે વરસાદની આગાહી
સૌરાષ્ટ્રમાં અતિભારે વરસાદની આગાહી કરાઇ છે. સૌરાષ્ટ્રના કાંઠાના શહેરો જામનગર અને દ્વારકામાં અતિભારે વરસાદની આગાહી કરાઇ છે. તો ભાવનગર, ગીરસોમનાથ સહિતના જિલ્લાઓમાં પણ ભારે વરસાદની આગાહી કરવામાં આવી છે.

4 દિવસ માટે માછીમારોને દરિયો ન ખેડવા સૂચના
અમદાવાદ અને આજુબાજુના વિસ્તારોમાં પણ ભારે વરસાદ વરસી શકે છે. આવનારા 4 દિવસ માટે માછીમારોને દરિયો ન ખેડવા સૂચના અપાઇ છે. તો શનિવારે જૂનાગઢ અને  ગીર સોમનાથમાં રેલ એલર્ટ જાહેર કરાયું છે.