- પાકિસ્તાનના પૂર્વ વડાપ્રધાન ઈમરાન ખાનની ધરપકડનો મામલો
- પાકિસ્તાનની ઈસ્લામાબાદ હાઈકોર્ટની બહાર શુક્રવારે ગોળીબાર
- ઈમરાન ખાને એક વીડિયો વાયરલ કર્યો
ત્રણ દિવસ આગાઉ પાકિસ્તાનના પૂર્વ વડાપ્રધાન ઈમરાન ખાનની અલ કાદિર ટ્રસ્ટ કેસમાં ઈસ્લામાબાદ હાઈકોર્ટમાંથી નેશનલ એકાઉન્ટીબિલિટી બ્યૂરોએ ધરપકડ કરી હતી. બાદમાં આ મુદ્દો વિશ્વના અનેક દેશોમા ચર્ચાયો હતો. જે મામલે ઘમાસાણ સર્જાયા બાદ પાક.સુપ્રીમ કોર્ટે ધરપકડને ગેરકાયદેસર ગણાવી હતી. આવી સ્થિતિ દરમિયાન પાકિસ્તાનના પૂર્વ વડાપ્રધાન ઈમરાન ખાન કોર્ટની અંદર હાજર હતા. ત્યારે પાકિસ્તાનની ઈસ્લામાબાદ હાઈકોર્ટની બહાર શુક્રવારે ગોળીબાર થયો હતો.જેમાં 30 મિનિટના ગાળામાં અનેક વખત ફાયરીંગ કરાયું હોવાનો દાવો કરવામાં આવી રહ્યો છે.
ગોળીબાર કરનારા લોકો કોણ?
ઉલ્લેખનીય છે કે, આ ફાયરિંગ એવા સમયે થયું છે જ્યારે ઈસ્લામાબાદ હાઈકોર્ટે શુક્રવારે ઈમરાન ખાનની 17 મે સુધી ધરપકડ ન કરવાનો આદેશ જારી કરી તેને હાઈકોર્ટમાંથી જવાની મંજૂરી મળી આપી હતી. નોંધનિય છે કે ઈસ્લામાબાદ હાઈકોર્ટની બહાર ગોળીબાર કરનારા લોકો કોણ છે, તેની માહિતી હજુ મળી નથી. પરંતુ પૂર્વ પીએમની સુરક્ષાને ધ્યાનમાં રાખીને પોલીસ એલર્ટ પર આવી ગઈ હતી.
કોર્ટમાંથી મુક્ત કરવામાં
વધુમાં ઈસ્લામાબાદના આઈજીએ પણ હાઈકોર્ટમાં ઈમરાન ખાન સાથે વાતચીત કરી હતી. જે બાદ ઈમરાન ખાને એક વીડિયો વાયરલ કરી કહ્યું હતું કે મને બળજબરીથી કોર્ટમાં રાખવામાં આવ્યો હતો. ત્રણ કલાક થઈ ગયા બાદ પણ મને જવા દેવામાં આવી નથી આવ્યો. તેમણે કહ્યું કે કોર્ટે મને દરેક કેસમાં જામીન આપ્યા છે. હું મુક્ત છું તે પછી પણ અમારું અપહરણ કરવામાં આવ્યું હોવાના આરોપ લગાવ્યા હતા. જો કે, ઈમરાન ખાને વિડિયો જાહેર કર્યાના થોડા સમય બાદ તેને કોર્ટમાંથી મુક્ત કરવામાં આવ્યો હતો.
