- રાજકોટમાં એસટી બસ પોર્ટલ પર બોલાચાલીની ઘટના બની
- મુસાફરો અને એસટી કર્મચારીઓ વચ્ચે બોલાચાલી
- બીજી ઘટનામાં રાજકોટ શહેરમાં ફરી જાહેર માર્ગ પર ધિંગાણું સર્જાયું
રાજકોટ ST બસ પોર્ટ પર મુસાફરો અને STના કર્મચારીઓ વચ્ચે બોલાચાલી થયાની ઘટના સામે આવી છે. બસ બાબતે ફરિયાદ કરવા આવેલા મુસાફરોએ ફરિયાદ બુક માગતા STના કર્મચારી દ્વારા પોણો કલાક સુધી ફરિયાદ બુક ન અપાઈ છે. જેને કારણે કાયમી મુસાફરી કરતા મુસાફરો અને STના કર્મચારી વચ્ચે ઉગ્ર બોલાચાલી થઈ હતી. જોકે આખરે ઉચ્ચ અધિકારીઓ દ્વારા સમજાવટ બાદ મામલો થાળે પડ્યો હતો. મોરબી જવા માટે એક જ સમયે બે બસ મૂકી દેવામાં આવતા આ સમગ્ર વિવાદ થયો હોવાનું સામે આવ્યું છે.
રાજકોટ શહેરમાં ફરી જાહેર માર્ગ પર ધિંગાણું સર્જાયું હતું. ફરી જાહેર રસ્તા પર મારામારીના સર્જાઈ હતી. આ ઘટના કાલાવડ રોડ પર બની હતી. જ્યાં એક મહિલા અને બે પુરૂષો વચ્ચે જાહેરમાં મારામારી થઈ. કોઈ કારણોસર બોલાચાલી થઈ હતી અને બોલાચાલીએ ઉગ્ર સ્વરૂપ ધારણ કરતા મામલો બિચક્યો હતો. જાહેરમાં મારામારીનો વીડિયો હાલ સોશિયલ મીડિયા પર વાયરલ થઈ રહ્યો છે.
.png)
મહેસાણાના કડીમાં અસામાજિક તત્વો બેફામ બન્યાં છે. અસામાજિક તત્વોને જાણે કાયદાનો ડર જ ન હોય તેમ ખુલ્લેઆમ પોલીસને પડકાર ફેંકી રહ્યાં છે. ત્યારે પોલીસને પડકાર ફેંકતો વધુ એક વીડિયો વાયરલ થયો છે. DySP મંજિતા વણઝારા પર હુમલો કરનાર આરોપીઓને જામીન મળતા ઉજવણી કરવામાં આવી. ગુજસિટોકના આરોપીઓને જામીન મળતા કુખ્યાત હનીફ જાડીના સમર્થકોએ ફટાકડા ફોડી જશ્ન મનાવ્યો હતો. DySP પર જ્યાં હુમલો થયો હતો ત્યાં જ ફટાકડા ફોડી જશ્ન મનાવ્યો હતો અને આતશબાજીનો વીડિયો વાયરલ કરી લોકોમાં ધાક જમાવવાનો પ્રયાસ કર્યો હતો. મહત્વનું છે કે થોડા વર્ષો પહેલા કડીમાં ગુજસિટોકના આરોપીઓને કાયદાનો પાઠ ભણાવવા પોલીસે સરઘસ કાઢ્યું હતું. દરમિયાન કુખ્યાત હનીફ જાડીના સમર્થકોએ પોલીસ પર પથ્થરમારો કર્યો હતો. જેમાં DYSP મંજિતા વણઝારા ગંભીર રીતે ઘાયલ થયા હતા.
