શ્વાસ અધ્ધર / માતા-પિતાના હેબતાઈ ગયા! સુરતમાં બે વર્ષનું બાળક રૂમમાં ફસાયું, ફાયર ટીમે દરવાજો તોડી કર્યું રેસ્ક્યૂ, જુઓ શું બન્યું

• સુરતમાં બે વર્ષનું બાળક રૂમમાં ફસાયુ
• ફ્લેટના બેડરૂમમાં બાળક પુરાતા ફાયર વિભાગની ટીમને કરાઇ જાણ
• ફાયર વિભાગની ટીમે દરવાજો તોડી બચાવની કામગીરી હાથ ધરી
• રમતા- રમતા બાળકે દરવાજો અંદરથી બંધ કરી નાખ્યો હતો 

સુરતના જહાંગીરાબાદમાં માતા-પિતા માટે ચેતવણીરૂપ કિસ્સો સામે આવ્યો છે. જેમાં બે વર્ષનું બાળક રૂમમાં ફસાઇ જતા દેકારો બોલી ગયો હતો. આ મામલે સ્થાનિક લોકો દ્વારા તાત્કાલીક ફાયર સ્ટાફને જાણ કરાતા સ્ટાફ દોડી ગયો હતો. જ્યા વીરસાવરકર હાઇટ્સના મકાનમાં ફસાયેલા બાળકને મહામહેનતે ઉગારી લીધો હતો. 

રમતા- રમતા બાળકે દરવાજો અંદરથી બંધ કરી નાખ્યો હતો 
બાળકને ઘરના રૂમમા એકલો મુકતા પહેલા સો વખત વિચારવા જેવો કિસ્સો સુરતમાંથી સામે આવ્યો છે. જેમાં ફ્લેટમાં બે વર્ષના બાળક સાથે ચોંકાવનારી ઘટના બની હતી.જહાંગીરાબાદમાં વીર સાવરકર હાઈટ્સના ફ્લેટ નંબર 702મા  બે વર્ષનું બાળક રૂમમાં રમતું હતું. આ વેળાએ રમતા- રમતા બાળકે દરવાજો અંદરથી બંધ કરી દીધો હતો પછી કોઈ કાળે દરવાજો ન ખુલતા પરિજનોના શ્વાસ અધર થઈ ગયા હતા. 

રમતા- રમતા બાળકે દરવાજો અંદરથી બંધ કરી નાખ્યો હતો 
પરિવાર ચિંતામાં મુકાયા બાદ ક્ષણિક અફરાતફરીનો માહોલ સર્જાયા બાદ ફાયર સ્ટાફને જાણ કરાઈ હતી. ફાયર વિભાગની ટીમ પોતાના ઓઝારો વડે દરવાજો તોડી બાળકને હેમખેમ બહાર કાઢયો હતો. જેને લઈ પરિજનોએ રાહતનો શ્વાસ લીધો હતો અને ફાયર સ્ટાફનો આભાર વ્યક્ત કર્યો હતો.