બિઝનેસ / ગુજરાતમાં FDIનું રોકાણ મંદ પડ્યું: જાણો કેટલા ટકાનો ઘટાડો નોંધાયો, 2020-21 બાદ સતત જઇ રહ્યું છે ડાઉન

• ગુજરાતમાં FDIનું રોકાણ ધીમું પડ્યું 
• પહેલા 6 માસમાં FDI 30 ટકા ઘટ્યું
• અમદાવાદમાં રાજ્યનું 90 ટકા FDI રોકાણ 

ગુજરાતમાં FDIનું રોકાણ ધીમું પડ્યું છે. અત્રે જણાવીએ કે, 2023-24ના પહેલા 6 માસમાં FDI 30 ટકા ઘટ્યું છે. ગુજરાતમાં 2 વર્ષથી ફોરેન ડાયરેક્ટ ઇન્વેસ્ટમેન્ટ ધીમું પડ્યું છે. જો અમદાવાદની વાત કરીએ તો રાજ્યનું 90 ટકા FDI રોકાણ મળે છે. 

સૌથી વધારે 2020-21માં 1.62 લાખ કરોડનું FDI મળ્યું
ચાલુ વર્ષે ગુજરાતમાં 18,884 કરોડનું રોકાણ આવ્યું છે. વર્ષ 2022-23માં ગુજરાતને 26,866 કરોડનું FDI મળ્યું હતું.  જ્યારે ગુજરાતમાં 2020-21માં સૌથી વધારે 1.62 લાખ કરોડનું FDI મેળવ્યું હતું. 2020-21 બાદ ગુજરાતમાં સતત FDI ઘટી રહ્યું છે 

એફડીઆઈ માટે સરકાર ઉદાર નીતિ લાવે છે
પ્રત્યક્ષ વિદેશી રોકાણને આકર્ષવા માટે પારદર્શક અને ઉદાર નીતિ અપનાવવામાં આવી હતી. વ્યૂહાત્મક રીતે મહત્વપૂર્ણ ક્ષેત્રો સ્વચાલિત માર્ગ હેઠળ 100 ટકા એફડીઆઈ માટે ખુલ્લા છે. મેન્યુફેક્ચરિંગ સેક્ટરમાં વિદેશી રોકાણ ઓટોમેટિક માર્ગ હેઠળ છે. મેન્યુફેક્ચરિંગ પ્રવૃત્તિઓ ભારતમાં રોકાણકર્તા દ્વારા સેલ્ફ-મેન્યુફેક્ચરિંગ અથવા કાનૂની ધોરણે કોન્ટ્રાક્ટ મેન્યુફેક્ચરિંગ હોઈ શકે છે. તે એફડીઆઈ નીતિની જોગવાઈઓને આધિન છે.