વહેલી સવારથી જ લોકો ફાફડા અને જલેબી ખરીદવા દુકાનોમાં ઉમટી રહ્યા છે, તો ફરસાણની દુકાનો આગળ સવારથી જ લાઈનો જોવા મળી રહી છે
Share
અમદાવાદમાં દશેરા પર્વની ઉજવણી
ફાફડા-જલેબી ખરીદવા લોકો ઉમટ્યા
ફરસાણની દુકાનો આગળ લાંબી લાઇનો
દેશભરમાં આજે દશેરા પર્વની ઉજવણી કરવામાં આવી રહી છે ત્યારે ગુજરાતનીઓ દ્વારા વિજ્યા દશમી પર્વની ઉજવણી ફાફળા અને જલેબી ખાઈને ઉજવવામાં આવે છે, ત્યારે વહેલી સવારથી જ લોકો ફાફડા અને જલેબી ખરીદવા દુકાનોમાં ઉમટી રહ્યા છે, તો ફરસાણની દુકાનો આગળ સવારથી જ લાગી લાઈનો અને દુકાનો ઉપર જોવા મળી રહી છે.
કોરોડો રૂપિયાના ફાફડા અને જલેબીનું થશે વેંચાણ
દશેરાનો પર્વ ફાફડા જલેબી સાથે ઉજવવાની પરંપરા છે, ત્યારે દશેરાના દિવસે હજારો નહીં પણ કોરોડો રૂપિયાના ફાફડા અને જલેબીનું વેંચાણ થતું જોવા મળે છે. કોરોના કાળ બાદ આ વર્ષે કોરોના સંક્રમણ ઘટ્યું છે અને લોકોને છુટછાટ મળી છે, ત્યારે બે વર્ષ બાદ લોકો તહેવાર મનાવતા નજરે પડી રહ્યા છે. જો કે મોંઘવારીએ લોકોની ખરીદી પર ભારણ વધ્યું છે. કોરોનાને કારણે સમગ્ર વિશ્વમાં મંદી જેવો માહોલ છે, તેમજ રાજ્યમાં પણ ઈંધણ, ઘરેલુ ગેસથી લઈને ખાદ્યતેલમાં પણ ભાવ વધારો જોવા મળી રહ્યો છે, ત્યારે આવખતે ફાફડા અને જલેબીના ભાવમાં પણ વધારો જોવા મળી રહ્યો છે. અમદાવાદમાં ફાફડાના પ્રતિ કીલોના ભાવ 500 થી 800 રૂપિયા સુધી પહોંચી ગયો છે જ્યારે શુદ્ધ ઘીની જલેબીના પ્રતિકીલોના ભાવ 560 થી 960 રૂ કીલો ભાવ જોવા મળી રહ્યો છે.
રાજ્યના મોટા શહેરોમાં પણ ફાફડા જલેબીનું ધૂમ વેચાણ થતું હોય છે એવામાં અન્ય શહેરોમાં પણ ભાવ વધારો જોવા મળી રહ્યો છે. ફાફડા અને જલેબી લેવા લોકો દુકાનો પર પડાપડી કરી રહ્યા છે, તો વડોદરા શહેરના નિઝામપુરામાં ફાફડાની દુકાનોમાં ગ્રાહકોની લાંબી કતારો જોવા મળી રહી છે. એટલું જ નહીં શહેરની જાણીતી દુકાનો પર ફાફડા લેવા માટે એક કલાકનું વેઈટિંગ બોલાઈ રહ્યું છે. વડોદરામાં ફાફડા પ્રતિ કિલોએ 440 રૂપિયા તો જલેબી પ્રતિ કિલોએ 520 રૂપિયા સુધી મળી રહી છે.
આ તરફ રાજકોટમાં પણ ફાફડા અને જલેબી માટે દુકાનો પર લાંબી લાઈનો જોવા મળી રહી છે. આજે રંગીલા રાજકોટમાં જ અંદાજિત અંદાજે 1 કરોડથી વધુના ફાફડા જલેબીનું વેચાણ થાય એવું લાગી રહ્યું છે, રાજકોટ અને સૌરાષ્ટ્ર્રમાં લોકો સવારથી જ ફાફડા અને જલેબી માટે કતારોમાં જોવા મળી રહ્યા છે રાજકોટવાસીઓ ફાફડા સાથે ગાંઠિયાના પણ શોખિન મનાય છે એવામાં આજે રાજકોટમાં ગાંઠિયાનો ભાવ પ્રતિ કિલોએ રૂપિયા 400અને જલેબીના 500 રૂપિયા ભાવ બોલાઈ રહ્યો છે.
