નિવેદન / '300 યુનિટને ક્લોઝર નોટિસ છતાંય કારખાનાઓ ચાલુ, એકેય બંધ નહીં', વિવિધ એકમોને લઇ શું બોલ્યા જયેશ રાદડિયા

• જેતપુરમાં ડાઈંગ એન્ડ પ્રિન્ટિંગ એસો.ની સાધારણ સભા 
• ધારાસભ્ય જયેશ રાદડિયાનું મોટું નિવેદન 
• ક્લોઝર નોટિસ છતાં યુનિટ ચાલી રહ્યા છે: રાદડિયા

Jayesh Radadiya : જેતપુરમાં ડાઈંગ એન્ડ પ્રિન્ટિંગ એસોસિયેશનની સાધારણ સભા યોજાઈ હતી. આ સભામાં ધારાસભ્ય જયેશ રાદડિયાનું મોટું નિવેદન સામે આવ્યું છે. વાત જાણે એમ છે કે, જયેશ રાદડિયાએ કહ્યું કે, ક્લોઝર નોટિસ છતાં યુનિટ ચાલી રહ્યા છે. તેમણે કહ્યું કે, કારખાના રેગ્યુલર ચાલુ કરવાની પ્રોસેસ ચાલુ છે. મેં ગાંધીનગરમાં પણ ચર્ચા કરી હતી કે, ક્લોઝર ઉઠાવવું પડશે. આ સાથે ઉમેર્યું કે, GPCBના અધિકારીઓના ભરોસે કારખાના ચાલે છે. આ સાથે કહ્યું કે, જેતપુરના 300 જેટલા યુનિટને GPCB દ્વારા ક્લોઝર નોટિસ અપાઈ હતી. 

જેતપુરમાં આજે ડાંઇગ એન્ડ પ્રિન્ટિંગ એસોસિયેશનની સાધારણ સભા યોજાઈ હતી. ધોરાજી રોડ પર પટેલ સમાજની વાડી ખાતે મળેલ સભામાં ધારાસભ્ય જયેશ રાદડિયા પણ હાજર રહ્યા હતા. અહીં MLA જયેશ રાદડિયાએ મોટું નિવેદન આપ્યા બાદ હવે એ વિડીયો સોશિયલ મીડિયામાં વાયરલ થઈ રહ્યો છે. રાદડીયાએ કહ્યું કે, કલોઝાર નોટીસ છતાં યુનિટો ચાલી રહ્યા છે. તેમણે કહ્યું કે, મે જ મીટીંગ કરી હતી મને ખ્યાલ છે કારખાના ચાલે છે. કારખાનાઓ રેગ્યુલર ચાલુ કરવાની પ્રોસેસ ચાલુ છે. મે ગાંધીનગરમાં પણ ચર્ચા કરી હતી કે ક્લોઝર ઉઠાવવું પડશે. 

આ સાથે MLA જયેશ રાદડિયાએ કહ્યું કે, મે જ મીટીંગ કરી હતી મને ખ્યાલ છે કારખાના ચાલે છે. GPCBના અધિકારીને ભરોષો આપ્યો છે તમારે ત્યા જવાનું નથી, મંજૂરી આપો ન આપો 6 મહીનાથી ચાલે છે. મહત્વનું છે કે, આ અગાઉ જેતપુરમાં 250થી 300 યુનિટોને કલોઝર નોટીસ અપાઇ હતી. મહત્વનું છે કે, પ્રદૂષણ ઓકતા કારખાનાઓને GPCB દ્વારા નોટીસ અપાઇ હતી.