નિવેદન / શિવસેના ધારાસભ્ય ડર્યાં, ઉદ્ધવ ઠાકરેને વિનંતી કરી, ભાજપની દોસ્તી ફાયદામાં રહેશે નહીંતર..

• શિવસેના ધારાસભ્ય પ્રતાપ સરનાઈક પર મની લોન્ડરિંગનો આરોપ
• ઈડીએ કેસ દાખલ કરીને તપાસ શરુ કરી
• પ્રતાપ સરનાઈકનો આરોપ એનસીપી ભાજપની સાથે મળી ગયો છે

પ્રતાપ સરનાઈકે જણાવ્યું કે NCP  અને કોંગ્રેસ તેમના પોતાના મુખ્યમંત્રી ઈચ્છે છે. કોંગ્રેસ એકલા હાથે ચૂંટણી લડવા માંગે છે અને એનસીપી શિવસેના નેતાઓને તોડવાની કોશિશ કરી રહી છે. એવું લાગી રહ્યું છે કે એનસીપીને કેન્દ્રનો સીધો ટેકો છે કારણ કે એનસીપી નેતાઓની પાછળ કોઈ સેન્ટ્રલ એજન્સી લાગેલી નથી.

શિવસેનાને નબળી પાડી રહી છે એનસીપી
પ્રતાપ સરનાઈકે જણાવ્યું કે એનસીપી શિવસેનાને નબળી પાડી રહી છે. તેમણે કહ્યું કે અમને ઉદ્ધવ ઠાકરે તથા તેમના નેતૃત્વમાં પૂરો વિશ્વાસ છે પરંતુ કોંગ્રેસ અને એનસીપી અમારી પાર્ટીને નબળી પાડવાની કોશિશ કરી રહી છે. તેમણે આગળ લખ્યું કે મારુ માનવું છે કે જો તમે પીએમ મોદીની નજીક આવે તો સારુ રહેશે અને આપણે ભાજપ સાથે  ભળી જઈશું તો પાર્ટી અને કાર્યકરો માટે ઘણું ફાયદાકારક રહેશે. 

અમારી કોઈ પણ જાતની ભૂલ વગર કેન્દ્રીય એજન્સીઓ અમને નિશાન બનાવી રરહી છે. જો તમે પીએમ મોદીની નજીક આવશો તો રવિન્દ્ર વાયકર, અનિલ પરબ, પ્રતાપ સરનાયક જેવા નેતાઓ તથા તેમના પરિવારની સમસ્યા ખતમ થઈ જશે. 

મહાનગર પાલિકાની ચૂંટણીમાં થશે ફાયદો 
શિવસેના ધારાસભ્યે જણાવ્યું કે ભાજપની સાથે મહાનગર પાલિકાની ચૂંટણીમાં ગઠબંધન થયું ત્યારે તેનો ફાયદો શિવસેનાને થશે. ઉલ્લેખનીય છે કે પ્રતાપ સરનાયક પર ઈડીએ મની લોન્ડરિંગનો કેસ દાખલ કરેલો છે અને તેમની સામે તપાસ ચાલી રહી છે.