- મોદી સરકારની આ યોજનાનો ઉઠાવો લાભ
- સોલર ઉર્જાને પ્રોત્સાહન આપવા શરૂ કરવામાં આવી યોજના
- 20 વર્ષ સુધી ફ્રીમાં મળશે વીજળી
દેશભરમાં સતત વધતી વીજળીની કિંમતોથી લોકો પરેશાન છે. તમને જણાવી દઈએ કે વીજળીનું નિર્માણ કરવા માટે મોટા સ્તર પર કોલસાનો ઉપયોગ કરવામાં આવે છે. થોડા દિવસ પહેલા ખબર આવી હતી કે દેશમાં કોલસાની ભારે કમી છે. એવામાં આજે અમે તમને એવી યોજના વિશે જણાવવા જઈ રહ્યા છીએ જેનાથી ફ્રીમાં વીજળી મળશે. આ યોજના હેઠળ તમે પોતાની છત પર સોલર પેનલ લગાવી શકો છો. તેના માટે સરકાર પણ તમારી મદદ કરશે.
સોલર ઉર્જાને પ્રોત્સાહન માટે શરૂ કરવામાં આવી યોજના
આ યોજનાનું નામ છે 'સોલર રૂફટોપ સબસિડી યોજના' (Solar Rooftop Yojana). દેશમાં સોલર રૂફટોપને પ્રોત્સાહન આપવા માટે ભારત સરકારની તરફથી આ યોજના ચલાવવામાં આવી રહી છે. સોલર રૂફટોપ યોજનાથી કેન્દ્ર સરકાર દેશમાં ક્યારેય પૂર્ણ ન થનાર ઉર્જાના ઉપયોગને પ્રોત્સાહિત કરશે. કેન્દ્ર સરકાર તેના માટે ઉપભોક્તાઓને સોલર રૂફટોપ ઈન્સ્ટોલેશન પર સબસિડી આપે છે.
20 વર્ષ સુધી ફ્રીમાં મળશે વીજળી
સોલર રૂફટોપ સબસિડી યોજના હેઠળ તમે પોતાના ઘરની છત પર સોલર રૂફટોપ લગાવીને વીજળી પર થતા ખર્ચને 30થી 50 ટકા સુધી ઓછો કરી શકો છો. સોલર રૂફટોપથી 25 વર્ષ સુધી વિજળી મળશે અને આ યોજનામાં 5-6 વર્ષમાં ખર્ચની ચુકવણી થઈ જશે. ત્યાર બાદ તમને આવતા 19-20 વર્ષ સુધી સોલરથી વીજળી ફ્રીમાં મળશે.
સરકાર આપી રહી છે સબસિડી
આ યોજનાને શરૂ ભારત સરકારના નવીનીકરણ ઉર્જા મંત્રાલય દ્વારા કરવામાં આવી છે. 3KM સુધીના સોલર રૂફટોપ પેનલને ઈન્સ્ટોલ કરવા પર તમને 40 ટકા સુધી સબસિડી સરકાર દ્વારા મળશે. ત્યાં જ 3KM બાદ 10KM સુધી 20 ટકા સબસિડી તમને કેન્દ્ર સરકાર દ્વારા આપવામાં આવશે.
સોલર પેનલ લગાવવા માટે જોઈશે આટલી જગ્યા
સોલર પેનલ લગાવવા માટે વધારે મોટી જગ્યાની જરૂર નથી પડતી. તમે તેને પોતાના ઘરની છત અથવા કારખાનાની છત પર પણ લગાવી શકો છો. 1KW સૌર્ય ઉર્જા માટે 10 વર્ગમીટર જગ્યાની જરૂર પડશે. સોલર રૂફટોપ સબસિડી યોજના માટે તમે વિદ્યુત વિતરણ કંપનીના નજીકના ઓફિસનો સંપર્ક કરી શકો છો. વધુ જાણકારી માટે mnre.gov.in પર વિઝિટ કરો.
આ રીતે કરો એપ્લાય
- ઓનલાઈન અરજી કરવા માટે સૌથી પહેલા solarrooftop.gov.in પર જાઓ
- હવે હોમ પેજ પર Apply for solar rooftop માટે અરજી પર ક્લિક કરો
- ત્યાર બાદ ખુલેલા પેજ પર તમને પોતાના રાજ્યની લિંક મળશે તેના પર ક્લિક કરો.
- હવે તમારા સામે સોલર રૂફ અરજીનું પેજ ખુલી જશે
- તેમાં ડિટેલ્સ ભરીને અરજી સબમિટ કરી દો
- આ પ્રકારે તમે સોલર રૂફટોપ યોજનામાં અરજીની પ્રક્રિયા પૂરી કરી શકશો
- સોલર રૂફટોપ સબસિડી યોજના માટે તમે ટોલ ફ્રી નંબર -1800-180-3333 પર જાણકારી મેળવી શકો છો.
