- EPF એકાઉન્ટ હોલ્ડર માટે સારા સમાચાર
- EPF એકાઉન્ટ હોલ્ડર એકાઉન્ટની ડિટેઈલ અપડેટ કરી શકશે
- જેથી ક્લેઈમ રિજેક્ટ થવાની સંખ્યામાં ઘટાડો થશે
કર્મચારી ભવિષ્ય નિધિ સંગઠને (EPFO) EPF એકાઉન્ટ હોલ્ડરને સારા સમાચાર આપ્યા છે. EPF સભ્ય પોતાના એકાઉન્ટની ડિટેઈલ (નામ, જન્મતારીખ, લિંગ સહિત 11 જાણકારી) સરળતાથી અપડેટ કરી શકશે. જે માટે એક સ્ટાન્ડર્ડ ઓપરેટિંગ પ્રોસિજર જાહેર કરવામાં આવી છે. EPF એકાઉન્ટ હોલ્ડરને પોતાની જાણકારી અપડેટ કરવાની સુવિધા આપવાથી ક્લેઈમ રિજેક્ટ થવાની સંખ્યામાં ઘટાડો થશે અને ફ્રોડનું જોખમ પણ નહીં રહે.
EPFO પાસે જમા થયેલ જાણકારી અને ક્લેમ કરતા સમયે ક્લેમ ફોર્મમાં ભરેલ જાણકારી અલગ પડી જાય તો ક્લેમ રિજેક્ટ થઈ જાય છે. EPFOએ એક સર્ક્યુલર જાહેર કરીને જણાવ્યું છે કે, નામ, લિંગ, જન્મતારીખ, પિતાનું નામ, સંબંધ, વૈવાહિક સ્થિતિ, જોઈન કરવાની તારીખ, નોકરી છોડવાનું કારણ, નોકરી છોડવાની તારીખ, રાષ્ટ્રીયતા અને આધાર નંબર અપડેટ કરી શકાશે.
આ પ્રકારે અપડેટ કરી શકાશે
EPFOના સર્ક્યુલર અનુસાર EPF હોલ્ડરે પ્રોફાઈલ ડિટેઈલ્સ અપડેટ કરવાની સાથે સેવા પોર્ટલ પર લોગિન કરવાનું રહેશે. પોર્ટલ પર અરજી કરવાની રહેશે, કોઈપણ જાણકારી અપડેટ કરવાની સાથે જરૂરી ડોક્યુમેન્ટ પણ અપલોડ કરવાના રહેશે. આ ડોક્યુમેન્ટ પોર્ટલ પર રેફરન્સ માટે રાખવામાં આવશે.
નિયોક્તા પાસે વેલિડેટ કરાવવાનું રહેશે
EPF સભ્ય પોતાના એકાઉન્ટમાં જે પણ ફેરફાર કરે તે નિયોક્તા પાસે પણ વેલિડેટ કરાવવાનું રહેશે. સર્ક્યુલરહ અનુસાર EPF એકાઉન્ટ હોલ્ડર તરફથી જે પણ રિક્વેસ્ટ કરવામાં આવે તે નિયોક્તા લોગિનમાં પણ જોવા મળશે. નિયોક્તાના રજિસ્ટર્ડ મેઈલ આઈડી પર ઓટોમેટીક ઈમેઈલ પણ મોકલવામાં આવશે. EPF સભ્ય માત્ર તે જ ડેટા સુધારી શકે છે, જે વર્તમાન નિયોક્તા દ્વારા આપવામાં આવે છે.
