ઉર્જા વિભાગમાં ગેરરીતી મામલે મોટા સમાચાર મળી રહ્યા છે કે પરીક્ષામાં ધ્રુવ પટેલ નામના ઉમેદવારે તમામ સેટિંગ કર્યું હોવાની શંકા છે પણ હજુ સુધી પોલીસને કોઈ મહત્વની કડી ન મળતા હવે તપાસ CIDને સોંપાશે તેવી શક્યતા છે.
Share
અરવલ્લી ઊર્જા કાંડમાં પોલીસને કોઈ સફળતા નહીં
પરીક્ષામાં ધ્રુવ પટેલ નામના ઉમેદવારે કરી હતી ગોઠવણ
હજુ સુધી પોલીસને નથી મળી કોઇ મહત્વની કડી
રાજ્યમાં એક પેપરલીક કાંડનો મામલો પત્યો નથી ત્યાં બીજુ એક ભરતી કૌભાંડ થયુ હોવાના આરોપ થઈ રહ્યા છે.સમગ્ર રાજ્યના લાખો વિદ્યાર્થીઓને જાણે હવે સીધી ભરતી પ્રક્રિયા પરથી વિશ્વાસ જ ઉઠી ગયો છે. LRD હોય, બિનસચિવાલય હોય કે પછી હોય ઓડિટરની ભરતી. છેલ્લા કેટલાક વર્ષોથી ભરતીઓમાં ગેરરીતી, પેપર ફૂટવા કે પછી સોદાબાજીથી નોકરી આપી દીધાના આરોપો અને ઘટસ્ફોટો થયા છે.UGVCL, DGVCL કે PGVCLની પરીક્ષામાં પણ ટેકનોલોજીનો દુરઉપયોગ કરીને પરીક્ષાર્થીઓને મદદ કરવામાં આવે છે તેવા પણ આક્ષેપ થઈ રહ્યા છે.
ધ્રુવ પટેલ નામના ઉમેદવારે ગોઠવણ કરી હોવાની શંકા
ઉર્જા વિભાગમાં ગેરરીતિ મામલે મહત્વના સમાચાર મળી રહ્યા છે કે પરીક્ષામાં ધ્રુવ પટેલ નામના ઉમેદવારે સમગ્ર ગોઠવણ કરી હતી. જેમાં રમેશ પટેલ નામના વ્યક્તિનો પણ તેને સાથ હતો. પ્રાંતિજ પરીક્ષા સેન્ટરમાં આ ગેરરીતિ થયાનો આરોપ છે.
CID ક્રાઇમને તપાસ સોંપાશે તેવો નિર્ણય લેવાશે: સૂત્ર
ખાસ સૂત્રો દ્વારા મળતી માહિતી મુજબ અરવલ્લી ઊર્જા વિભાગ ભરતી કૌભાંડની તપાસ સીઆઇડી ક્રાઇમને સોંપાય તેવી શક્યતા છે. કારણ કે પુરાવાના અભાવે જાહેર કરાયેલ નામ સામે કોઈ કાર્યવાહી થઈ શકે તેમ નથી જેથી પોલીસને હજુ સુધી કોઇ મહત્વની કડી મળી નથી. આથી હવે ગહન તપાસ અર્થે કેસ CID ક્રાઇમને સોંપાશે તેવી વાત વહેતી થઈ છે.
આ રીતે આઇટી અને હેકિંગના માધ્યમથી પેપર ફોડવામાં આવ્યું
ગુજરાતમાં પ્રથમવાર આ રીતે પેપર ફૂટવાની ઘટના સામે આવી છે કોંભાડમાં પરિક્ષા લેનાર કંપનીના કંટ્રોલરૂમનો ઉપયોગ થયો જેમાં પરિક્ષાર્થી -કંપનીનો માણસ- સુપરવાઇઝર અને વચેટિયા ભાગીદાર હતા. પરિક્ષાર્થીનો જે કોમ્યુટર હતું ત્યાં TeamViewer જેવું સોફ્ટવેર હોવાની સંભાવના સેવાઇ રહી છે. અને પરિક્ષાર્થી જે સેન્ટરમા બેસતો ત્યાં સુપરવાઇઝર વચેટિયાનો માણસ હતો. સુપરવાઇઝર પરિક્ષાર્થીનો કોડ નંબર વચેટિયાને પહોંચાડતો હતો અને વચેટિયો આ કોડ નંબર કંપનીના સર્વર રુમમાં પહોંચાડતો હોવાની આશંકા છે. સર્વરરુમમાં TeamViewer જેવા સોફટવેરથી પરિક્ષાર્થીનું પેપર જોઇ શકાતું જેથી કન્ટ્રોલ રુમમાં બેઠોલો એક્સપર્ટ પરિક્ષાર્થીના જવાબ લખી નાખતો હતો અને પરિક્ષાર્થી માત્ર કોમ્યુટર સામે બેસીને સમય પસાર કરતો કારણ કે કંટ્રોલરૂમમાંથી પરિક્ષાર્થીનું પેપર સીધે સીધું ભરાતું હતું
યુવરાજસિંહના આરોપ બાદ તપાસના આદેશ
AAP નેતા યુવરાજસિંહના આરોપ અનુસાર ઉર્જા વિભાગની ભરતીમાં જે કૌભાંડ થયું તે વચેટિયાનું નામ અવધેશ પટેલ છે. જિલ્લા ભાજપ યુવા મોરચાના મહામંત્રી છે. અને બાયડમાં ટ્યૂશન ચલાવતો અજય પટેલ કૌભાંડ ચલાવે છે. ઓનલાઇન પરીક્ષા મહારાષ્ટ્રની NSEIT દ્વારા લેવામાં આવે છે. અને એક પેપરના 21 લાખ રૂપિયા લેવામાં આવ્યાનો આરોપ છે. યુવરાજસિંહે આરોપ લગાવતા કહ્યું કે UGVCL, PGVCL, DGVCLમાં ગેરરીતિથી પાસ થયેલા ફરજ બજાવે છે. જેમાં ગુજરાત ઉર્જા વિકાસ નિગમના અધિકારીઓની સંડોવણી છે. કુલ 11 વિદ્યાર્થીઓ કૌભાંડમાં સંડોવાયેલા છે. ધવલ પટેલ, કૃશાંગ પટેલ, રજનીશ પટેલ, આંચલ પટેલ પર આરોપ છે. રાહુલ પટેલ, પ્રદીપ પટેલ, ધ્રુવ પટેલ પર આક્ષેપ છે. જ્યારે બાબુ પટેલ, જીગીશા પટેલ પર ગેરરીતિથી પાસ થવાનો આરોપ છે. અને શરૂઆતમાં ટોકન અને ત્યારબાદ બાકીની રકમ અપાય છે.
