ફાયદાની વાત / ઈલેક્ટ્રિક વ્હીકલ લેવાના હોય તો રોકાઈ જજો! ગડકરીએ કરી મોટી જાહેરાત, તમને થશે આ મોટો ફાયદો

• ઈલેક્ટ્રિક વ્હીકલને લઈને ગડકરીની મોટી જાહેરાત 
• હજુ પેટ્રોલ વ્હીકલના ભાવમાં જ મળશે ઈલેક્ટ્રિક વ્હીકલ 
• હાઈવે પર 600 EV ચાર્જિંગ પોઈન્ટ લગાવવામાં આવશે

દેશભરમાં હાલ ઈલેક્ટ્રિક વ્હીકલ (Electric Vehicles in India) ની ધૂમ છે. સતત નવી ઈલેક્ટ્રિક કાર અને સ્કૂટર લોન્ચ કરવામાં આવી રહ્યા છે. લોકો હવે પેટ્રોલ અને ડીઝલની કિંમતો વધવાના કારણે ઈલેક્ટ્રિક ગાડીઓને ખરીદવામાં ખૂબ જ રસ દર્શાવી રહ્યા છે. પરંતુ ઘણા લોકો ભારે-ભરખમ કિંમતોના કારણે હાલ ઈલેક્ટ્રિક ગાડીઓને ખરદવાથી બચી રહ્યા છે. 

પરંતુ હવે એવા લોકો માટે  સારી ખબર છે. કેન્દ્રીય માર્ગ પરિવહન મંત્રી નીતિન ગડકરી (Union Road Transport and Highways Minister Nitin Gadkari )એ કહ્યું કે અવનાર બે વર્ષોમાં ઈલેક્ટ્રિક અને પેટ્રોલ ગાડીઓની કિંમત એક જેવી જ થઈ જશે. ગડકરીએ કહ્યું છે કે ટૂંક સમયમાં જ આ ક્ષેત્રમાં ક્રાંતિ આવશે. 

ગડકરીએ ઈન્ડિયન ચેમ્બર ઓફ કોમર્સ અને FFY21 એજીએમના વાર્ષિક સત્રને સંબોધિત કરતા કહ્યું, "બે વર્ષની અંદર, ઈલેક્ટ્રિક વ્હીકલની કિંમત તે સ્તર પર આવી જશે જે તેના પેટ્રોલ વેરિએન્ટના બરાબર હશે." તેમણે એમ પણ કહ્યું કે સરકાર ઈવી ચાર્જિંગ સુવિધાઓનો પણ વિસ્તાર કરવાનું કામ કરી રહી છે. ગડકરીએ આગળ જણાવ્યું કે, 'અમે 2023 સુધી મેઈન હાઈવે પર 600 ઈવી ચાર્જિંગ પોઈન્ટ સ્થાપિત કરી રહ્યા છે. સરકાર એમ પણ સુનિશ્ચિત કરવા માંગે છે કે ચાર્જિંગ સ્ટેશમ અથવા પવન વિજળી જેવા નવીકરણીય સ્ત્રોતોથી સંચાલિત હોય. '

ઓછી થઈ જશે કિંમત 
ગડકરીએ કહ્યું કે EVનો ખર્ચ વધારે છે કારણ કે તેની સંખ્યા ઓછી છે. તેમણે એમ પણ કહ્યું કે ભારત ઈવી ક્રાંતિની આંશા કરી રહ્યું છે. જેમાં 250 સ્ટાર્ટઅપ વ્યવસાય ખર્ચ પ્રભાવી ઈવી પ્રૌદ્યોગિકી નિર્માણમાં લાગેલા છે. તે ઉપરાંત પ્રમુખ વાહન નિર્માતા ઈવી ઉત્પાદનના ખર્ચમાં ઘટાડો કરવાનો પ્રયત્ન કરી રહ્યા છે. ઈલેક્ટ્રિક વાહનો પર જીએસટી ફક્ત 5% અને વધારે લિથિયમ-આયર્ન બેટરીનો ખર્ચ પણ ઘટી રહ્યો છે. 

સૌથી સસ્તુ ટ્રાન્સપોર્ટ 
ગડકરીનું એમ પણ માનવું છે કે સસ્તા પ્રતિ કિલોમીટરના ખર્ચના કારણે ભારતમાં ઈલેક્ટ્રિક વાહનોના ખૂબ વેચાણ થઈ રહ્યા છે. 'પેટ્રોલથી ચાલતી કારની કિંમત પ્રતિ કિલોમીટર 10 રૂપિયા, ડીઝલની કિંમત 7 રૂપિયા પ્રતિ કિલોમીટર અને ઈલેક્ટ્રિક વ્હીકલની કિંમત ફક્ત 1 રૂપિયા પ્રતિ કિલોમીટર છે.' મંત્રીએ ગૈસોલીન અને ડીઝલ જેવા પારંપરિક ઈંધણ પર નિર્ભરતા ઓછી કરવા માટે ઈથેનોલ અને સીએનજી જેવા વૈકલ્પિક ઈંધણના ઉપયોગ પર જોર આપ્યું છે.'