નિવેદન / ગુજરાતનાં શિક્ષણ મંત્રીએ ફરી જૂની પેન્શન યોજનાનો કર્યો વાયદો: કહ્યું રામ મંદિરની જેમ જ ભાજપની સરકાર...

• સાબરકાંઠામાં શિક્ષણ મંત્રી કુબેર ડિંડોરનું નિવેદન
• જૂની પેન્શન વ્યવસ્થા આગામી સમયમાં થશે લાગુ
• ભાજપ સરકાર જ ફરી કરશે જૂની પ્રણાલીને જાગૃત
• જૂની પેન્શન વ્યવસ્થા લાગુ કરવા થઈ રહ્યા છે આંદોલનો
• શિક્ષણ જગત સહિત સરકારી કર્મચારીઓ કરી રહ્યાં છે માંગ

Old Pension Scheme : જૂની પેન્શન યોજનાને લઈ ફરી એકવાર રાજ્યના શિક્ષણમંત્રીએ નિવેદન આપ્યું છે. વાત જાણે એમ છે કે, સાબરકાંઠામાં શિક્ષણ મંત્રી કુબેર ડિંડોરે કહ્યું કે, જૂની પેન્શન વ્યવસ્થા આગામી સમયમાં લાગુ થશે. આ સાથે તેમણે કહ્યું કે, ભાજપ સરકાર જ ફરી જૂની પ્રણાલીને જાગૃત કરશે. નોંધનિય છે કે, જૂની પેન્શન વ્યવસ્થા લાગુ કરવા આંદોલનો થઈ રહ્યા છે. આ બધાની વચ્ચે શિક્ષણમંત્રીએ આપેલ નિવેદનને લઈ કર્મચારીઓમાં એક આશા જાગી છે.

રાજ્ય સહિત દેશના અનેક રાજ્યોમાં જૂની પેન્શન યોજનાને લઈ આંદોલન વચ્ચે હવે ગુજરાતના શિક્ષણમંત્રીનું મોટું નિવેદન સામે આવ્યું છે. સાબરકાંઠા જિલ્લામાં એક કાર્યક્રમમાં શિક્ષણમંત્રી કુબેર ડીંડોર ઉપસ્થિત રહ્યા હતા. આ દરમિયાન તેમણે કહ્યું હતું કે, ભાજપ સરકાર જ રામ મંદિરની જેમ જૂની પેન્શન વ્યવસ્થા લાગુ કરશે. મહત્વનું છે કે, શિક્ષણમંત્રીના આ નિવેદન એવા સમયે આવ્યું છે કે, જ્યારે શિક્ષણ જગત સહિત સરકારી કર્મચારીઓ જૂની પેન્શન યોજના ફરી લાગુ કરવાની  માંગ કરી રહ્યાં છે.