- શુ તમેં પણ કેક, ચોકલેટ, ઉપરાંત પેકેટ સ્નેક્સ સહિતની વસ્તુ બેફામ ખાવ છો?
- ચેતી જજો, બ્રિટનમાં એક અભ્યાસમાં આવ્યું ચોંકાવનારું તારણ
- તો તમે હાર્ટ એટેકનો શિકાર બની શકો છો
કોરોના બાદ હાર્ટ એટેકના કેસમાં ચિંતાજનક રીતે વધારો નોંધાવી રહ્યો છે. યુવાનોના એટેકને લઈને મોતને પગલે મેડિકલ જગત સાથે સંકળાયેલા નિષ્ણાતો પણ ચિંતામાં છે. આવી સ્થિતિ વચ્ચે ખોટા પ્રકારની લાઈફ સ્ટાઈલ અને ખાણીપીણી સહિતની વસ્તુને હાર્ટ એટેક માટે જવાબદાર ગણવામાં આવે છે. ત્યારે જો તમે પણ કેક, ચોકલેટ, ઉપરાંત પેકેટ સ્નેક્સ સહિતની વસ્તુ બેફામ ખાવાના શોખીન હોય તો તમે જતી જિંદગી એ હાર્ટ એટેકનો શિકાર બની શકો છો તે અંગેનો સર્વે સામે આવ્યો છે. બ્રિટનમાં એક અભ્યાસમાં આ ચોંકાવનારું તારણ સામે આવ્યું છે.
હાર્ટ એટેક અને સ્ટ્રોકનું જોખમ
ત્યારબાદ બ્રિટિશ સરકાર ફૂડ મેનુમાંથી બિસ્કિટ અને કેક જેવા નાસ્તાને હટાવવાની દિશામાં પણ કાર્યવાહી હાથ ધરી છે. લંડનના સંશોધકો 850થી વધુ લોકોની ખાવાની આદતોનો અભ્યાસ કર્યો હતી. જેમાં ચારમાંથી એક વ્યક્તિને હાર્ટ એટેક અને સ્ટ્રોકનું જોખમ હોવાનું તારણમાં સામે આવ્યું છે. અભ્યાસમાં એવું પણ જાણવા મળ્યું કે આવા લોકો હેલ્ધી ફૂડ ખાતા હતા પરંતુ કેક બિસ્કીટ ખાવાની પણ આદત હતી.
850 થી વધુ લોકોની ખાવાની આદતો પર નજર
સર્વેમાં એવું પણ જાણવા મળ્યું કે જે લોકો વધુ જંક ફૂડ લે છે તેમાં સ્ટ્રોક, હ્રદયરોગ અને સ્થૂળતાનું જોખમ પણ વધુ છે. આ લોકોમાં બ્લડ સુગર પણ વધુ હોવાનું જાણવા મળે છે.સંશોધકોએ ઘણા દિવસો સુધી 850 થી વધુ લોકોની ખાવાની આદતો પર નજર રાખી હતી. યુરોપિયન જર્નલ ઑફ ન્યુટ્રિશનિસ્ટમાં પ્રકાશિત અહેવાલ અનુસાર, લંડનની કિંગ્સ કોલેજના સંશોધકોએ જણાવ્યું કે 26 ટકા લોકો હેલ્ધી ડાયટ લઈ રહ્યા હતા પરંતુ તેના કારણે તેમણે નાસ્તામાં આવી વસ્તુઓ લઈને પોષણને બગાડી નાખ્યું. તેઓએ નાસ્તામાં કેક, બિસ્કિટ ખાતા હોવાથી તેમનું આરોગ્ય બગડી ગયું હતું.
