પાણીની પારાયણ / ઉનાળાની શરૂઆતમાં જ પળોજણ: બે બેડાં પાણી માટે મહિલાઓ જીવના જોખમે ટાંકી પર ચડવા મજબૂર

• રાજકોટમાં નલ સે જલની યોજના માત્ર કાગળ પર
• જસદણના વિંછીયા વિસ્તારમાં પાણીની પારાયણ
• પાણી નહીં મળવા પર ગ્રામજનોએ ઉચ્ચારી આંદોલનની ચીમકી

રાજકોટમાં નલ સે જલની યોજના માત્ર કાગળ પર છે. ત્યારે જસદણના વિંછીયા વિસ્તારમાં પાણીની પારાયણ છે. મહિલાઓ ટાંકામાં દોરડાથી પાણી લેવા મજબૂર છે.  ફુલઝર ગામે 2 બેડા પાણી માટે મહિલાઓએ રઝળપાટ કરવી પડે છે.  ત્યારે ગ્રામજનોએ તાત્કાલિક પાણી આપવા માંગ કરી છે. પાણી નહી મળવા પર ગ્રામજનોએ આંદોલનની ચીમકી ઉચ્ચારી છે.

ગ્રામજનો પાણીનાં ટાંકામાંથી પાણી ખેંચીને ભરે છે
આ બાબતે ગ્રામજનોએ જણાવ્યું હતું કે એક બાજુ સરકાર આઝાદી કા અમૃત મહોત્સવની ઉજવણી કરવામાં આવી રહી છે. ત્યારે આઝાદી પહેલા જેમ લોકો કૂવામાંથી ખેચીને પાણી ભરતા હતા. તે જ રીતે ગ્રામજનો પાણીનાં ટાંકામાંથી પાણીં ખેંચીને ભરે છે.  ત્યારે આ ગામની મહિલાઓએ પાણી માટે પણ દૂર દૂર સુધી બેડા લઈને જવું પડે છે. ત્યારે વિંછીયા તાલુકાનાં ફુલઝર ગામમાં પુરતા પ્રમાણમાં પીવાનું પાણી મળતું નથી.  ત્યારે સરકાર દ્વારા લોકોનાં ઘર સુધી પાણી પહોંચે તેવી વ્યવસ્થા કરવામાં આવે તેવી ગ્રામજનોની માંગ છે.