- છેતરપિંડી કરનારાઓ ઈ-શ્રમ કાર્ડ બનાવવા માટે નિર્દોષ લોકો પાસેથી તગડી ફી પણ વસૂલે છે
- પીઆઈબીએ માત્ર અધિકૃત સાઇટ પરથી જ ઈ-શ્રમ હેઠળ નોંધણી કરાવવા માટે સાવચેત રહેવા જણાવ્યું
- ઈ-શ્રમ હેઠળ ઉપલબ્ધ સુવિધાઓનો લાભ લેવા માંગતા હોવ તો ધ્યાનપૂર્વક નોંધણી કરો
E-Shram card: ઈ-શ્રમ કાર્ડ લોન્ચ થયાને માત્ર બે વર્ષ જ થયા છે, પરંતુ સ્કીમના નામે છેતરપિંડી શરૂ થઈ ગઈ છે. ઉલ્લેખનીય છે કે, માર્કેટમાં નકલી પોર્ટલ પર ઘણા બધા લોકો રજીસ્ટ્રેશન કરાવે છે. એટલું જ નહીં, આ છેતરપિંડી કરનારાઓ ઈ-શ્રમ કાર્ડ બનાવવા માટે નિર્દોષ લોકો પાસેથી તગડી ફી પણ વસૂલે છે. તેમના દ્વારા બનાવવામાં આવેલ ઈ-શ્રમ કાર્ડ દેખાવમાં વાસ્તવિક લાગે છે. જો તમે આ રીતે ગમે ત્યાંથી ઈ-શ્રમ માટે રજીસ્ટ્રેશન કરાવ્યું છે, તો તમે સ્કીમ હેઠળ મળેલા 2 લાખ રૂપિયા ગુમાવશો. તેથી જ અધિકૃત જન સુવિધા કેન્દ્રમાંથી જ ઈ-શ્રમ કાર્ડ માટે નોંધણી કરાવો. નહિંતર, તમે યોજના હેઠળ ઉપલબ્ધ તમામ લાભોથી વંચિત રહી જશો.
PIB જાહેર કર્યુ છે એલર્ટ
ઉલ્લેખનીય છે કે, પીઆઈબી(PIB)એ તેના ઓફિશિયલ ટ્વિટર હેન્ડલ પરથી એક ટ્વિટ પોસ્ટ કરી હતી. જેમાં કહેવામાં આવ્યું છે કે, "છેતરપિંડી કરનારાઓએ ઈ-શ્રમ પોર્ટલ જેવી જ એક વેબસાઈટ બનાવી છે." જેના દ્વારા આ લોકો નિર્દોષ મજૂરો સાથે છેતરપિંડી કરી રહ્યા છે. તેમની પાસેથી રજીસ્ટ્રેશનના બદલે 200 થી 400 રૂપિયા વસુલવામાં આવી રહ્યા છે. સાથે જ તેમનું રજીસ્ટ્રેશન પણ થઈ રહ્યું નથી. આ સાથે, પીઆઈબીએ માત્ર અધિકૃત સાઇટ પરથી જ ઈ-શ્રમ હેઠળ નોંધણી કરાવવા માટે સાવચેત રહેવા જણાવ્યું છે. જો તમે પણ ઈ-શ્રમ હેઠળ ઉપલબ્ધ સુવિધાઓનો લાભ લેવા માંગતા હોવ તો ધ્યાનપૂર્વક નોંધણી કરો.
આ છે રજીસ્ટ્રેશનની રીત
ઉલ્લેખનીય છે કે, ઈ-શ્રમ પોર્ટલ પર રજીસ્ટ્રેશન બિલકુલ ફ્રી છે. રજીસ્ટ્રેશન કરવા માટે, તમારે પહેલા ઈ-શ્રમ પોર્ટલ (eshram.gov.in) પર ક્લિક કરવું પડશે. ત્યાં હોમ પેજની બાજુમાં તમને 'રજીસ્ટર ઓન ઈ-શ્રમ'નો વિકલ્પ મળશે, જેના પર ક્લિક કરવાથી તમને નવા પેજ પરથી રીડાયરેક્ટ કરવામાં આવશે. ત્યાં તમારે જરૂરી માહિતી ભરવાની રહેશે. ઉપરાંત, જો તમે તમારો આધાર નંબર દાખલ કરો છો, તો તમારા રજિસ્ટર્ડ નંબર પર OTP આવશે. જે દાખલ કરીને તમે રજીસ્ટ્રેશન પ્રક્રિયા પૂર્ણ કરી શકો છો.
