લખનઉ / ઘૂંટણભેર પાણીમાં ઉતર્યા મહિલા IAS ઓફિસર, ભારે વરસાદનાં કારણે સ્થિતિનો તાગ મેળવવા પોતે આવ્યા મેદાનમાં

• લખનઉમાં ભારે વરસાદને કારણે સ્થિતિનો તાગ મેળવવા પહોંચ્યા IAS ઓફિસર
• ઘૂંટણભેર પાણીમાં ઉતર્યા મહિલા IAS ઓફિસર, વિડીયો થયો વાયરલ 
• વીડિયો સામે આવ્યા બાદ માત્ર લખનઉમાં જ નહીં પરંતુ દેશમાં તેમના કામની પ્રશંસા

ઉત્તર પ્રદેશની રાજધાની લખનઉમાં ભારે વરસાદને કારણે લોકોને ઘણી મુશ્કેલીઓનો સામનો કરવો પડી રહ્યો છે. લખનઉમાં ભારે વરસાદ વચ્ચે એવી તસવીરો સામે આવી રહી છે, જેને જોઈને લોકો આશ્ચર્યચકિત થઈ જાય છે. આ દરમ્યાન એક એવી તસવીર સામે આવી છે કે, લોકો તેના વખાણ કરતાં થાકતા નથી. લખનૌના કમિશ્નર રોશન જેકબ જ્યારે લોકો જાગ્યા પણ ન હતા, ત્યારે પાણીથી ભરેલા રસ્તા પર જાતે જ પરિસ્થિતિની સમીક્ષા કરી રહ્યા હતા. તેઓ રાજધાનીની શેરીઓમાં ગયા જ્યાં કોઈ જવા માંગતું નથી. એવું નથી કે તેમની પાછળ અન્ય કર્મચારીઓનો મેળાવડો છે. તે ઘૂંટણિયે પાણીમાં પોતાની જાતને સંભાળતી વખતે પરિસ્થિતિનો હિસાબ લઈ રહી હતી.

લખનૌના કમિશ્નર રોશન જેકબે કર્મચારીઓને જરૂરી સૂચનાઓ પણ આપી રહી છે.  જેથી બને તેટલું જલ્દી પાણીનો નિકાલ થાય અને લોકોને જલ્દી રાહત મળે. આજના સમયમાં જ્યાં ઘણા IAS ઓફિસરો તેમની ઓફિસની બહાર જવાનું પસંદ કરતા નથી, ત્યારે આવી ઘણી તસવીરો પણ સામે આવી છે જ્યારે અન્ય કર્મચારીઓ ઓફિસરના જૂતા પકડીને જોવા મળ્યા હતા. આવા સમયે લખનૌના કમિશનર રોશન જેકબે બધાના દિલ જીતી લીધા.

#WATCH उत्तर प्रदेश: लखनऊ के आयुक्त रोशन जैकब ने शहर में भारी बारिश के बाद जलजमाव की समस्या का निरीक्षण किया।

वीडियो इंजीनियरिंग कॉलेज, जानकीपुरम और रिवरफ्रंट कॉलोनी के आसपास के क्षेत्रों की हैं। pic.twitter.com/65F8hAbJa4

— ANI_HindiNews (@AHindinews) September 16, 2022

મહત્વનું છે કે, કમિશ્નર રોશન જેકબે રાજધાની લખનૌમાં જાનકીપુરમ, રામ મનોહર લોહિયા હોસ્પિટલ, રિવરફ્રન્ટ કોલોનીમાં પાણી ભરાયેલા રસ્તા પર જઈને પરિસ્થિતિનો અભ્યાસ કર્યો. તે 3 વાગ્યે પરિસ્થિતિનો હિસાબ લેવા માટે પરોઢ પહેલાં નીકળી ગયા હતા. આ પહેલીવાર નથી કે રોશન જેકબે પોતે આગેવાની લીધી હોય. કોરોનાના સમયમાં પણ તેમના કામની ખૂબ પ્રશંસા કરવામાં આવી હતી. શુક્રવારે જ્યારે તેમનો વીડિયો સામે આવ્યા બાદ માત્ર લખનઉમાં જ નહીં પરંતુ સમગ્ર દેશમાં તેના કામની પ્રશંસા થઈ રહી છે.

કમિશ્નર રોશન જેકબ કેરળના છે અને તે 2014-15માં કાનપુરની ડીએમ પણ રહી ચૂક્યા છે.  કાનપુરમાં જિલ્લા મેજિસ્ટ્રેટ હતા ત્યારે તેમણે તેમની દેખરેખ હેઠળ ઝુંબેશ શરૂ કરી હતી. તેમનો પ્રયાસ હતો કે, નાગરિક સુવિધાઓ સંબંધિત લોકોની ફરિયાદોનું તાત્કાલિક નિવારણ કરવામાં આવે. તેમને મહિલા માઇનિંગ જેવા વિભાગની જવાબદારી મળી, તે યુપીની પ્રથમ મહિલા IAS અધિકારી હતી જે મહિલા માઇનિંગની નિયામક બન્યા હતા.