VIDEO / નશામાં ધૂત આ કાર ચાલકે તો ભારે કરી! ગાડી સીધી રેલવે ટ્રેક પર જ ચડાવી દીધી, ભાનમાં આવતા જ એરેસ્ટ

• કેરલના કન્નુર જિલ્લામાંથી ચોંકાવનારો વીડિયો
• નશામાં ધૂત બનેલ કાર ચાલકે રેલ્વે ટ્રક પર હંકારી
• રેલવે પોલીસે આરોપીને દબોચી લઈ હાથ ધરી કાર્યવાહી

 કેરલના કન્નુર જિલ્લામાંથી એક ચોંકાવનારો વીડિયો સામે આવ્યો છે. જેમાં દારૂના ચીકાર નશામાં ધૂત બનેલ કાર ચાલકે કારના સ્ટેરીંગ પરનો કાબુ ગુમાવી દઇ કાર રેલ્વે ટ્રક પર ચાડવી દીધી હતી. બેફામ દારૂ ઢીંચી નીકળેલ કારચાલક ભાન ભૂલી ગયો હતો અને કાર ક્યારે રેલવે ટ્રેક પર ચડી તે અંગે સમજ આવી ન હતી. યુવાને લગભગ 15 મીટર સુધી કારને રેલવે ટ્રેક પર ચલાવી હોવાનું જાણવા મળી રહ્યું છે.

Inebriated man drives through railway track. Incident happened today at Kannur,Kerala .Exact location not known. pic.twitter.com/Mw5iCy5cHM

— Falcon (@Janamejayan_) July 20, 2023

રેલવે ટ્રેક પર વચ્ચોવચ હતી કાર

આ કેસની વિગત એવી છે કે 19 જુલાઈની રાતે કન્નુરના અંચરાકાંડીમાં રહેતા જયપ્રકાશ નામનો યુવાન બેફામ દારૂ ઢીંચી ચોવા રેલ્વેના ગેટ પાસે કાર લઈને પહોંચ્યો હતો. આ દરમિયાન ભાન ભૂલી તે રેલ્વે ટ્રેક પર 15 મીટર સુધી પોતાની કાર ચલાવી જતો નજરે પડ્યો હતો. આ દરમિયાન રેલવેના કર્મચારીઓને જાણ થતા સ્થાનિક લોકો અને કર્મચારીઓના હોંશ ઉડી ગયા હતા. તેઓએ તાત્કાલિક દોડી જઈને તપાસ હાથ ધરતા કારની ડ્રાઇવિંગ સીટ પર નાશાની હાલતમાં ભાન ભૂલેલ જયપ્રકાશ બેઠેલો જોવા મળ્યો હતો. આ વેળાએ કાર રેલવે ટ્રેક પર વચ્ચોવચ હતી.

આરોપી સામે કાર્યવાહી
આ દરમિયાન રેલ્વે સ્ટાફ અને સ્થાનિક લોકોએ હિંમત બતાવી અને કારને પાટા પરથી સુરક્ષિત જગ્યાએ પહોંચાડી હતી. બાદમાં ઉચ્ચ અધિકારીઓને જાણ કરતા પોલીસ કાફલો તાત્કાલિક દોડી આવ્યો હતો જ્યાં જયશંકરની અટકાયત કરી લીધી હતી અને કાર પણ જપ્ત કરવામાં આવી હતી. બીજી બાજુ આરોપી જયપ્રકાશ સામે મોટર વાહન અધિનિયમ 1988 ની કલમ 185 મુજબ ગુનો નોંધી કાર્યવાહી આગળ ધપાવી છે.